Денсаулық сыйлаған ақжолтай пойыз...

Жаңалықтар

15.09.2017, 10:07

Оқуға 3 мин

«Денсаулық» пойызы Қызылорда өңіріндегі сапарын аяқтады. Сыр елін бір айдан астам уақыт аралаған денсаулық жанашырлары мінген дәрігерлер пойызы барлығы 61280 тұрғынға медициналық көмек көрсеткен. -Шілде айының он алтысынан бастап бөлімше бойынша ірілі-ұсақты 18 станцияға аялдаған «Денсаулық» пойызы 7712 тұрғынды, оның ішінде 1240 жасөспірімді толықтай дәрігерлік тексеруден өткізді. Жалпы дәрігерлер көмегіне жүгінгендер саны 61280 адамды құрады. 29383 адамға диагностикалық зерттеулер жасалса, ішкі құрылысын УЗИ құрылғысымен тексеру шаралары 10506 пациентке жасалды. ЭКГ-ден 1751 адам өтіп, көздің қан қысымынан 2509 тұрғын, 499 жан рентген, 750 тұрғын ФГДС құрылғыларымен бақылаудан өткізіліп, 10055 тұрғын клиникалық-биохимиялы зерттеу анализін тапсырып, 11 мәрте кіші амбулаторлық ота жасалды. 2261 әйелге гинекологиялық тексеру жасалып, 1041 тұрғынға стоматологиялық көмек көрсетілді,-дейді «Апаттар медицинасы теміржол госпиталдары» АҚ филиалы Қызылорда теміржол ауруханасының медстатисі Ақмарал Қалдыбай. Доңғалақ үстіндегі емхана дәрігерлері тұрғындарды скрингтік тексеруден өткізу жұмыстарын да жүргізіп, қажет жағдайда тұрғындардың жергілікті жерде дәрігерлік есепке тұрып, тұрақты ем-дом алуына жолдамалар берген. Консультативті-диогностикалық пойызы қызметіне өңір тұрғындары риза. Олар дәрігерлік пойыз көмегіне жүгінуді дағдыға айналдырғаны және пойыз қызметін тұрақты пайдаланатындығы байқалады. -Ауылға келген дәрігерлердің қабылдауында болып, көмегін алдық. Бір жылдай мазамды алған тісімді емдетіп, тұқылын тегін жұлдырып, риза болып оытрмын. Егер осы пойыз болмағанда аудан орталығына сабылып, дәрігердің көмегін, ем домын алу үшін кезек күтіп, ақша жұмсап бар уақытымды өткізер едім. Қарапайым халық үшін осы пойызды ұйымдастырған азаматтарға алғысымды жеткізіңіздер,- деп ризалығын білдірді Бақытжан Сейітов есімді тұрғын. «Денсаулық» пойызының дәрігерлер құрамын тіс дәрігері Қанат Тұңғышбаев басқарып, Қызылорда станциясындағы филиалдың 9 дәрігері мен 14 медбикесі бір ай бойы бекет тұрғындарына қалтқысыз қызмет жасапты. Пойыз құрамы бір күнде екі жүзден аса пациентке қызмет жасаған уақыттары болған көрінеді. ЦЭР-ісігі, плибрит, асқазан және тік ішек жараларының алғаш анықталуы кездескен. -Жосалы станциясында дәрігер көмегіне жүгінген пациенттің өңешінен бөгде зат алуға тура келді. Аппартпен тексергенде өзге заттың бар екендігіне көз жеткізген соң аудандық ауруханаға барып ота жасауға тура келді. Пациеттің өңешінен алақанға сыятындай зат алынып, әрі қарай ем-дом алып, дәрігерлік бақылауға алынды,-дейді дәрігерлік көмек көрсету кезінде жұтқыншақ-өңешке кептеліп тұрып қалған өзге заттың алынуына себеп юолған эндоскопист-дәрігер Берік Мәдиев. Пойызды қажетті ауыз сумен, электрмен, байланыспен аймақтағы салалық мекеме теміржолшылары қамтамасыз етсе, вагон сыртындағы қоғамдық тәртіптің сақталуына ӘТЖК күзетшілері қызмет көрсеткен. Сонымен айдан аса уақыт Қызылорда жүк тасымалы бөлімшесінде болып тұрғындар алғысына бөленген «Денсаулық» пойызы оңтүстік өңірлерге аттанып кетті.

Денсаулық сыйлаған ақжолтай пойыз...

Басқа да жаңалықтар

Қазір оқылуда

Қазақстан теміржолшысы газеті, №80 09 қазан 2026 жыл