Жаңа жүйенің жетістігі көп

Жаңалықтар

15.09.2017, 10:43

Оқуға 3 мин

Ел теміржолында еңбек ететін 160 мыңнан теміржолшының елу мыңын жас мамандар құрайды екен. Яғни, алып саладағы ауқымды жұмыстың үштен бірі – жастардың еншісінде деген сөз. Осы орайда болашақ теміржолшыларды дайындайтын М.Тынышбаев атындағы ҚазККА қарасты Шымкент көлік колледжінің ұстанымы: «Шынардың мықтылығы – шыбығынан». Биыл 190-ға жуық студент қабылдаған білім ордасына 2017-2018 жылғы оқу жылына 100 грант бөлінген. 9 сыныпты бітірген оқушылардан 1, 11 сыныпты бітірген студеттерден 3 топ білімгер қатарға қосылыпты. 2020 жылдары елдегі барлық жоғары, арнаулы оқу орындарына жаңартылған білім беру жүйесі енбек. Қазіргі дуальдық, модульдік оқыту және кредиттік технология жүйесінің бәрі сайып келгенде соған дайындық болса керек. Аталған колледж директорының оқу ісі жөніндегі орынбасары Ұлжалғас Момбиеваның айтуынша, қазір 9 сыныпты бітірген оқушылар 3 жыл 10 ай оқып, маман атанады. Осы төрт жылға жуық уақытта олардың бірі болмаса бірі түрлі жағдаймен оқудан шығып қалуы мүмкін. Сол кезде модульдік оқыту талабына сай, саты-саты бойынша оқыған баланың уақыты босқа кетпейді, алған біліміне сәйкес қолына сертификат немесе диплом беріледі. – Жаңа жүйеде білім берудің үш сатысы көрсетілген. Ең жоғарысы ІІІ, ортаншысы ІІ, төмені І саты. Бірінші, екінші сатыларын оқыған бала тек жұмысшы мамандығын игереді. Үшінші сатыны бітірсе орта буын маман атанады. Үш жыл он ай оқыту жүйесі бойынша барлық мамандығымызға биыл 1 жыл 10 айлық, яғни екінші сатының лицензиясын алдық. Жүйенің мақсаты – студент бастапқы 3 жыл он айды толық бітірмесе де, оқыған жылдары күйіп кетпес үшін, алған біліміне сай жұмысқа тұрып кетуіне жағдай жасау. Жалпақ тілмен айтсақ «қағазсыз» қалмау. Бұл үрдіс республика бойынша екі жылдан бері енгізілгенмен, Оңтүстіктің оқу орындарына енді жетуде. Біз жазы бойы жұмыс істеп, алты мамандық бойынша модульдік жүйеге көшудің жұмыс жоспарын дайындаған едік. Бірақ, бұл жылы аталған жүйеге республикалық бюджеттен қаржыландырылатын оқу орындары ғана көшуде. Біз облыстық бюджеттен қаржыландырылып, 100 грант алғандықтан келесі жылға қалдырылдық. Сонда да, эксперимент ретінде 9 сыныптан кейін келген топты осы жүйеде оқытуды жоспарлағанбыз. Алайда, олардың 1 курста өтетін жалпы білім беру мамандықтары әлі модульге кіргізілмеді. Осындай себептермен екінші курстан бастамақпыз. Ал, құжат бойынша бәрі дайын. Ұстаз ретінде бұл әдістің өте дұрыстығын айтар едім, - дейді Ұлжалғас Әбуқызы. Қазіргі студенттің қабілетіне сай, әрі еркін білім алуы үшін енгізілген кредиттік технология жүйесінің білімді бағалауын колледж ұстаздары да қолданады. « 2», «3», «4», «5» бағалары А, В, С деген сынды әріптермен таңбаланып, бағаның өзі үш шкаламен белгіленеді. Яғни, баланың білімі 89-94 баллдың арасы деп бағаланса, білімі «4»-ке лайық деген сөз. Колледж мұғалімдері былтыр модулдік, биыл кредиттік технология жүйесіне сай біліктілікті арттыру курстарына қатысуда. Енгеніне 3-4 жыл болған «Дуальдық оқыту жүйесіне» сай өндіріс орындарымен биыл да келісім-шарт жасалған. Мұның пайдасы оқып жүріп, өндірістік тәжірибеден өткен баланың қабілеті жақсы болса, оқуымен қатар жұмысқа қабылдайды. Мысалы, дәстүрлі оқыту жүйесінде 60 пайыз теориялық сабаққа берілса, 40 пайыз ғана тәжірибеге жұмсалады. Ал дуальдық оқытуда керісінше оқытылып, баланың бар зейіні өндіріске ауып, теорияда оқығанан қолмен ұстап, көзбен көре жүріп үйренбек.

Жаңа жүйенің жетістігі көп

Басқа да жаңалықтар

Қазір оқылуда

Қазақстан теміржолшысы газеті, №80 09 қазан 2026 жыл