Жұмыла көтерген жүк жеңіл

Жаңалықтар

03.10.2017, 17:36

Оқуға 2 мин

Шиелі станциясының айналасына аймақтағы өндірістік мекемелер көп шоғырланған. Сондықтан жүк тиеу мен түсіру, жүк құжаттарын рәсімдеу мұнда тынымсыз жүреді. Станция бастығының орынбасары Нұрғали Әбжаппаров ұсынған мәліметтер шиеліліктердің межеленген жұмыстарды үдесінен асыра орындап отырғанын айғақтайды. Мәселен өткен сегіз ай ішінде 582 вагонға 34052 тонна жүк тиеу жұмыстары жүргізілген. Сонымен қатар 8501 вагонның орнына 8549 вагоннан жүк түсіріліп, мұнда да жоспар 101 пайызға орындалған. Жылдың алғашқы сегіз айындағы статистикалық жүктемеде белгіленген 56,0 тонналық норманың орындалуы 58,5 тоннаға жетіп көрсеткіш 104 пайызға жеткен. Станция қызметкерлері жүк құжаттарын рәсімдеуде де шапшаңдық танытуда. Бір жүк түсіру операциясында вагонның бос тұру көрсеткіші сегіз айда 9,0 сағатқа белгіленсе іс жүзіндегі көрсеткіш 7,79 сағатты көрсетіп жоспар 115 пайызға көтерілген. Құжаты рәсімделмей вагонның станцияда бос тұру көрсеткіші жоспардағы 1,40 сағаттық жүктемені 1,23 сағатқа қысқартқан екен станция еңбеккерлері жоспарды 114 пайызға орындаған. – Шиелі станциясындағы 10 жол мен 13 кірме жолдар станциялық жұмыстарды қауіпсіз атқаруға толық мүмкіндік береді. Біздің станцияның жүк түсіру және жөнелту жұмыстарының негізгі тапсырыс берушілері «Казатомпром» кәсіпорны мен осы мекеменің еншілес кәсіпорындары, атап айтқанда «ТТК-Шиелі», «МКС компаниялары» және де тұрғылықты кәсіпкерлерден «Тәжібаев», «Тұрманов», «Мырзабаев» сынды заңды тұлғалар маусымдық кәсіп заттары мен қатар халық тұтынатын тауарларды жеткізуде осы станцияның қызметін пайдаланатын тұрақты клиенттер болып саналады. Олардың тапсырыстарын орындауда және жүктерін тиеп-түсіруде кідіріс орын алып жатқан жоқ, әрбір станциялық «клиенттің талабы заң» деген қағидамен жұмыс істейді, – дейді станция бастығының орынбасары Нұрғали Әбжаппаров. Ұжымның бірлігі мен өндірістік мол тәжірибесінің арқасында жылдық, айлық тапсырмаларды уақтылы орындауға дағдыланған шиеліліктер жұмыла көтерген жүктің жеңіл болатындығын іспен дәлелдеуге машықтанған. Бірінің ұмытқанын екіншісінің еске салып ескертуі, бірінің білмегенін екіншісі үйретіп, сан түрлі нұсқаулықтар мен жұмыс бабындағы тапсырмаларды орындауда да өзара көмек жеңіске жетудің кілті деп біледі станция басшылығы.

Жұмыла көтерген жүк жеңіл

Басқа да жаңалықтар

Қазір оқылуда

Қазақстан теміржолшысы газеті, №80 09 қазан 2026 жыл