Тастүйін дайындығымен топ жарды
Жаңалықтар
17.10.2017, 15:44
![](https://rail-news.kz/uploads/posts/old/railnews5bc48f903314c9.50456881.jpg)
Алдағы қыс маусымына дайындық шараларын пысықтау, бөлімшенің қалыпты жұмыс ырғағының бұзылмауын ұстану және №470-ЦЗ бұйрығын орындау мақсатында ағымдағы жылдың қыркүйек айының 18 мен 26 аралығында күзгі комиссиялық тексеру жұмыстары жүргізілді. Осы бұйрыққа сай Қызылорда жүк тасымалы бөлімшесі директорының өкімімен теміржол көлігінде қозғалыс қауіпсіздігін қамтамасыз ету және күзгі комиссиялық тексеруді өткізу комиссиясы мүшелері тағайындалып, сала нысандары бақылауға алынды. Сонымен оңтүстіктен басталған тексеру шаралары өңірдің солтүстік нүктесі Сексеуіл – Қөскөл телімінде жалғасын тауып, Сексеуіл, Қазалы және Қызылорда станцияларында тораптық жиын өтті. Онда жасалған жұмыстар сарапқа салынды. Жалпы күзгі тексеру комиссиясының жұмысы жайлы Қызылорда ЖТ бөлімшесінің техникалық бөлім инженері Ғабит Тілеубаев мәлімдеді. Ол бөлімше бойынша 778 кемшілік анықталғанын, қазіргі таңда осы анықталған кемшіліктерді дер кезінде жою шаралары қолға алынып, жұмыстар жүргізіліп жатқанын жеткізді.
Комиссия мүшелерінің шешімімен Сексеуіл жол дистанциясы бойынша 3 бұрма жабылып, ондағы 1 жолда, Қазалы жол дистанциясы бойынша 8 жолда, Қызылорда жол дистанциясы бойынша 2 жолда пойыздар қозғалысының жылдамдығына шектеу қойылған. Комиссия назарынан бөлімше телімдеріндегі станциялар мен бекеттердің жайы, өндірістік және еңбек тәртібінің жағдайы, ғимараттар, жасанды құрылыстар мен желілік құрылым нысандары тыс қалмады. Жылжымалы құрамдардың қозғалысына шыдамды шойын жол төсеніші қабатының халі де тексерілді. Себебі жердің сууына байланысты топырақ қабатындағы өзгеріс жолшы қауымын әбігерге салатыны белгілі. Сонымен бірге кірме жолдар, жасанды құрылыстар, теміржол өткелдері, жол жиегіндегі мекемелерге қарасты жерлердің өрт қауіпсіздігінен сақталу шараларының сапасына да аса мән берілді. Жалпы алғанда күзгі тексеру комиссиясының назарынан өткізілген нысандардың дені қысқы маусымда жұмыс жасауға дайын болып шықты. Комиссия мүшелері қыс маусымына дайындықты пысықтайтын күзгі байқауға тастүйін дайындығымен ерекшеленген мекеме-кәсіпорындарды ескерусіз қалдырмады. Мәселен, тыңғылықты жұмысымен көзге түскен Шорнақ, Бесарық, Талап, Жаңақорған, Майлыбас, Қорқыт, Сапақ, Арал теңізі, Промежуточная, Белкөл станциялары үздік деп танылса, бөлімше мекемелері арасынан Қазалы вагон пайдалану депосы, Қызылорда электрмен жабдықтау дистанциясы, Қызылорда және Сексеуіл локомотив пайдалану деполары, «Вагонсервис», «Жолаушы тасымалы» және Қызылорда қалпына келтіру пойызы үздік дайындық үшін марапатталды. Бөлімше басшылығы мен кәсіподақ комитетінің төрағасы қол қойып, мақұлдаған кестеге сай іргелі темір жол мекемелері тарапынан кіші бекеттердің дайындығына және абаттандыру жұмыстарының жүргізілуіне, тазалық шараларына адам күші есебінен қолдап шефтік көмек беру шараларын жоғары деңгейде ұйымдастырған НОРПОЖ, ВЧД-6, ЭЧ-25, ЭЧ-26, ПЧ-57, ТЧЭ-34, ТЧЭ-36, ВП-40 және ВП-41 мекемелерінің басшылығы мен ұжымдарына алғыс жарияланды.
Сабырхан СЕЙІЛБЕКҰЛЫ, Қызылорда
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді
Жүк тасымалы
27.08.2024
ҚТЖ астық тасымалы үшін локомотив паркін ұлғайтуда
Жүк тасымалы
27.08.2024
«ҚТЖ-Жүк тасымалы» ЖШС жария талқылауға өз өтінімін ұсынды
Қауіпсіздік
27.08.2024
Қауіпсіздік тақырыбы қыл қаламда...
Жаңалықтар
27.08.2024
Таразда ардагерлер ұйымы бас қосты
Қауіпсіздік
27.08.2024
Ревизор келеңсіз оқиғалардың себеп-салдарын атады
Жаңалықтар / Мұрағат
27.08.2024
«Қазақстан теміржолшысы» газеті, №73 27 тамыз 2024 жыл
Жаңалықтар
26.08.2024
"Білім экспресі" даму мектебі Железнорудная және Бурабай станцияларында болды
Қауіпсіздік
26.08.2024
Жазатайым оқиғасыз жұмыс істеген Түрксіб станциясы алғысқа ие болды
Жүк тасымалы
26.08.2024
Көмір тасымалына тәулік бойы мониторинг жүргізіледі
Станция тынысы
26.08.2024
Белкөл станциясының басты байлығы
Инфрақұрылым
26.08.2024
«Бейбітшілік» аралына қатынайтын теміржол қолданысқа дайын
Спорт
26.08.2024
Арыста футболдан іріктеу турнирі өтті
Жаңалықтар / Апта саны
26.08.2024
316 мыңнан астам мүмкіндігі шектеулі жан ҚТЖ пойыздарымен жүрген
Жолаушылар тасымалы
24.08.2024
Нүкіс-Маңғыстау пойызы жүре бастады
Жаңалықтар
24.08.2024
ҚТЖ Қытайдан Қазақстанға автомобиль тасымалдауды жүзеге асыруда
Жаңалықтар
23.08.2024
Қазақстандық жүк жөнелтушілерге Баку – Тбилиси – Карс бағдарының мүмкіндіктері ұсынылды
Жүк тасымалы
23.08.2024
Биыл Қорғас бақылау-өткізу пункті арқылы 10 мыңнан астам Қытай-Еуропа жүк пойызы өтті
Жаңалықтар
23.08.2024
Ұлы Абайды ұлықтады