Жұбанышевтар – жеңіс тұғырында

Жаңалықтар

01.11.2017, 17:32

Астанада өткен «Жалпыға ортақ Еңбек Қоғамына қарай» атты республикалық форумында ақтөбелік теміржолшы әулет жеңіс тұғырынан көрініп, құрметке ие болды. Арнайы бас жүлдеге жасалған мүсінше мен дипломды және құнды сыйлықты Мәжіліс депутаты Қуаныш Сұлтанов «Қазақстан темір жолы – Жүк тасымалы» АҚ өкілі, әулеттің барлық дерлік мүшелері Ақтөбе темір жолында еңбек етіп жатқан Жұбанышевтар отбасына табыстады. Бейбітшілік және келісім сарайында Еңбек күніне және әлеуметтік қорғау жүйесі қызметкерлері күніне арналған республикалық форумға 700 адам қатысқан саланатты жиында байқау аясындағы «Үздік еңбек әулеті» болып, онлайн дауыс беру қорытындысында және республикалық комиссия шешімімен Ақтөбе облысындағы теміржол саласында 423 жыл шежіресі қалыптасқан Жұбанышевтар әулеті атанды. Мерейі үстем болған әулет өкілі Жұмагүл Сапинаның айтуынша, әулет басшысы Ұлы Отан соғысының ардагері, «Қызыл жұлдыз» және «Қызыл ту» ордендерінің иегері, соғыстан кейін бүкіл саналы ғұмырын болат жолға арнаған Керей Жұбанышұлы болған. Жұбанышевтар шаңырағындағы 21 адам өткен ғасырдың 50-ші жылдарынан бастап теміржол саласында жұмыс істеп келеді екен. –Біз әулетімізбен болат жол бойында қызмет етіп келеміз. Атадан мұра боп жалғасқан мамандықтың жілігін шағып, майын ішкен шебері болу – міндетіміз. Ұрпағымыз да осы ұлы жолды жалғайтын болады. Жеңіс әрқашан еңбек келеді. Осы марапатымызға лайықпыз деп ойлаймыз және қуаныштымыз, -деді Жұбанышевтар әулеті.

Жұбанышевтар – жеңіс тұғырында

Басқа да жаңалықтар

Қазақстан теміржолшысы газеті, №16 03 наурыз 2026 жыл