Адал еңбек алғысқа лайық

Жаңалықтар
09.06.2026, 09:00
Суретті түсірген Александр ЖАБЧУК
Райхан Рахметова

«Қазақстан теміржолшысы» газетінің тілшісі

«ҚТЖ–Жүк тасымалы» ЖШС ұжымы локомотивтерді пайдалану департаменті ғимараттар мен құрылыстарды күтіп ұстау тобының менеджері Жамбалина Сәуле Ғазизжанқызын құрметті зейнет демалысына шығарып салды. Салтанатты рәсімде әріптестері тәжірибелі маманға құрмет көрсетіп, көп жылдық қызметіне алғыс білдірді.

Сәуле Ғазизжанқызы қырық жылдан астам еңбек жолының 20 жылдан аса уақытын теміржол саласына арнады. Экономист және жол қатынасы инженері мамандықтарының иесі тек білімі ғана емес, жұмысқа деген табандылығы, еңбекқорлығының арқасында өз ісін жетік меңгеріп, әріптестері арасында жоғары беделге ие болды. Қостанай өңірінде туған кейіпкеріміз алғаш саладағы қадамын өз өлкесіндегі теміржолда бастап, жүк тасымалы процесінде жоспарлау экономикалық сектордың инженері қызметін атқарды.  

Астанаға ауысқан соң ҚТЖ-дағы қызметі кіреберіс жолдар бөлімінің жетекші инженерінен бастап, өндірістік бөлімнің бастығы, маркетинг бөлімі бастығының орынбасары, Магистральдық желі дирекциясындағы түрлі бөлімдерде бас маман, негізгі қор мен техникалық басқару бойынша күрделі жөндеу бөлімі бастығының орынбасары, өндірісті қамтамасыз ету бойынша сарапшы қызметтерін атқарды. Сонымен қатар Тасымалдау процесі дирекциясында бөлімнің бас маманы, менеджер, қазіргі серіктестікте 1,2 деңгейлі және 15, 16 грейд менеджері болып еңбек етті.  

– Ұжым атынан сізге көп жылғы адал еңбегіңіз, жоғары кәсібилігіңіз және жауапкершілігіңіз үшін шынайы алғысымды білдіремін. Сіз қызмет жолыңызда компания қызметкерлері үшін қолайлы әрі қауіпсіз еңбек жағдайын қамтамасыз етуге зор үлес қостыңыз. Жауапкершілігіңіз бен жұмысқа деген жанашырлығыңыз арқылы әріптестеріңіздің құрметіне бөленіп, ұжымның зор сеніміне ие болдыңыз. Өміріңіздің жаңа кезеңі қуанышты, бақытты сәттерге тола берсін, – деді серіктестік басшысы Асан Үмбетов.  

Бұл мерейлі күнді әріптестері Сәуле Ғазизжанқызына мықты денсаулық пен бақыт тілеп, құшағын гүлге толтырып, үстіне сәнді шапан кигізді. Салаға сіңірген еңбегі үшін ол «ҚТЖ» ҰК» АҚ басқарма төрағасының Құрмет грамотасымен, «Кәсібі бойынша үздік» төсбелгісімен, «Теміржол саласында 20 жыл мінсіз қызметі үшін» төсбелгісімен марапатталған. Салтанатты жиында серіктестік директоры оны «Достық-Мойынты» медалімен марапаттады.  

 

Станция тынысы
09.06.2026
Сам станциясына пойыз тоқтайтын болды
Аймақтар
09.06.2026
Өткелдегі қауіпсіздік өзекті мәселе
Инфрақұрылым
09.06.2026
Экологиялық мәдениет – өркениет белгісі
Қауіпсіздік
09.06.2026
Бес жылда – жеті оқиға
Аймақтар
09.06.2026
Семейде желі бойының тазалығы тексерілді
Жаңалықтар
09.06.2026
Адал еңбек алғысқа лайық
Аймақтар
09.06.2026
Қандыағаштық теміржолшы ірі апаттың алдын алды
Жаңалықтар / Мұрағат
09.06.2026
Қазақстан теміржолшысы газеті, №44 9 маусым 2026 жыл
Жаңалықтар
08.06.2026
Вокзалда тәртіп бұзған азамат жауапқа тартылды
Аймақтар
08.06.2026
Қоршаған ортаны қорғау – ортақ міндет
Жаңалықтар
08.06.2026
Alstom Қазақстанда жаңа сервистік депо салып жатыр
Инфрақұрылым
08.06.2026
Сексеуіл стансасында жаңа вокзал құрылысы қарқын алды
Инфрақұрылым
08.06.2026
Қонаевтағы теміржол вокзалын жаңғырту жұмыстары аяқталуға жақын
Жаңалықтар
08.06.2026
Бакуде Қазақстанға арналған алғашқы контейнерлік кеменің құрылысы басталды
Спорт
08.06.2026
ҚТЖ алғаш рет футзалдан балалар арасындағы республикалық турнир өткізді
Жаңалықтар
06.06.2026
«Заң және тәртіп» тұжырымдамасы аясында Қызылорда жүргізушілеріне теміржол өткелдерінен жүру ережелері еске салынды
Жаңалықтар
06.06.2026
ҚТЖ Тrip Optimizer жүйесімен ТЭ33А тепловоздар паркінің 92% - дан астамын жабдықтауды аяқтады
Инфрақұрылым
05.06.2026
Инфрақұрылымды жаңғырту жалғасуда
Цифрландыру
05.06.2026
Жасанды интеллект қолданыста
Аймақтар
05.06.2026
Еңбек түбі – береке