Жоспар екі есе артады деп күтілуде

Жаңалықтар

06.09.2016, 11:59

Аққыстау станциясында жүк тиеу-түсіру процесі артқан. Алғашқы жартыжылдыққа берілген жоспар 150 вагон болса, ол 259 вагонды құрап, жоспарды екі есеге жуық артығымен орындаған. Станция басшысы Гүлнар Жағыпарқызының қарамағында 10 станция кезекшісі, 5 пойыз құрастырушы, 5 жүк қабылдап-тапсырушы, 3 жүк кассирі, барлығы 24 адам өнімді еңбек етуде. –Станциялықтардың алаңсыз еңбек етуі үшін барлық қолайлы жағдай жасалып отыр. Мысалы, жұмысшылардың киініп-шешінетін орындары, жуынуға арналған душ, жұмыс орындары қажетті құрал-жабдық, оргтехникамен жабдықталған, – дейді Гүлнар Көшкімбаева. Станция бастығының айтуынша, келер жылы Атырау Ірілендірілген жол дистанциясының жоспарында Аққыстау станциясынан Атырау бағытына қарай 16 км жердегі №16 бекет пен Бақсай бекетінің аралығындағы жолдарды күрделі жөндеуден өткізу бар екен. Ал аталған станцияның жолына биыл жылы күрделі жөндеу жүргізу үшін құжаттары жинақталып жатқан көрінеді. Сондай-ақ, «Астрахань – Атырау – Ақтөбе» республикалық тас жолдары алдағы жылы күрделі жөндеуден өтетініне байланысты, қажетті құрылыс материалдары вагондарымен тасымалданатындықтан Аққыстау станциясында жүк түсіру жоспары екі есеге артады деп күтілуде.

Жоспар екі есе артады деп күтілуде

Басқа да жаңалықтар

«Қазақстан теміржолшысы» газеті, №59 19 шілде 2024 жыл