Сапар алдында тексермек

Жаңалықтар

27.09.2016, 11:48

Ақтөбенің теміржол паркінде бірнеше жылдан бері жүргізіліп жатқан «Тұлпар-Тальго» жолаушылар пойыздарына техникалық қызмет көрсету бекетінің құрылысы келесі жылы аяқталады деп күтілуде. Жаңа нысанда отандық вагондардың сапар алдындағы және әр сапардан келгеннен кейінгі техникалық жағдайы тексеруден өткізілмек. Ресми мәліметтерге қарағанда, «Ақтөбе станциясындағы вагондарға техникалық қызмет көрсету қосыны құрылысы бойынша кешенді жұмыстар» жобасын Ақтөбе жол дистанциясы қолға алған. Тапсырыс беруші «Қазақстан темір жолы» ұлттық компаниясы» АҚ. Ал жобаны ұйымдастырушы – «Теміржолдар желісі құрылысы жөніндегі дирекция». Ашық тендер тәртібімен өткізілген электронды сатып алу қорытындылары бойынша, «Құлагер» құрылыс корпорациясы кешенді жұмыстарды жүргізу бойынша жеңімпаз деп танылған екен. Кешен негізгі ғимараттан, өртке қарсы сорғылау станциясы мен өрт сөндіру резервуарларынан тұрады. Сонымен бірге алғашқы тексеру бекеті, бақылау-өткізу бекеті, реттегіш трансформаторлы (модульді) қосалқы станция қарастырылған. 1320 кВт-тық дизельді-генераторлық қосалқы станция және бар.

Сапар алдында тексермек

Басқа да жаңалықтар

«Қазақстан теміржолшысы» газеті, №59 19 шілде 2024 жыл