Аягөз – локомотившілер ұстаханасы

Жаңалықтар

18.11.2016, 12:19

Оқуға 2 мин

Аягөз локомотив пайдалану депосында өткен салтанатты жиын өтті. Онда арнайы жұмыс сапарымен келген президенттің оңтүстік өңір бойынша өкілі Талғат Әбенов заманында локомотившілер ұстаханасы атанған аягөздік қос машинисті «Құрметті локомотив машинисі» төсбелгісімен марапаттады. Аталмыш басқосу беташарын депо директоры Айдын Бланов алғысөзбен ашып, машинистер ұжымында бүгінгі таңда атқарылып жатқан жұмыстарға тоқталып, өз қызметінің үздіктері атанған тепловоз машинистері Данабек Әбдікәрімов пен Саят Кшановтардың жетістігін сөз етіп, ұжым атынан мәртебелі атақтарымен құттықтады. Сондай-ақ, Семей локомотив депосында да осындай салтанатты басқосу өтіп, алқалы жиында депо директоры Дәулет Ыдырысов еңбек жетістіктеріне тоқталып, «Машинист жылының» қорытындысын жасады. Келесі сөз кезегін алған Талғат Әбенов машинист мамандығының қыр-сырына тоқталды. Машинист – әу бастан мәртебелі мамандық. Бұл қызмет иелерінің ұшақты сынақтан өткізуші ұшқыштарға теңелетіні бекер емес. Себебі, жауапкершілік аса жоғары. Соған сай мақтау да лайық. Кейде сөз естіп жататынымыз да жасырын емес. Сондай-ақ, машинистеріміздің ерлік істер жасайтын кездері де аз болмайды. Оған мысал көп. Жалпы, пойыз қозғалысы қауіпсіздігін сақтауда соңғы нүктені локомотив машинисі қояды. Бұл ретте локомотив бригадаларын «теміржолдың көзі мен құлағы» деп бекерге атамайды. Ал осынау ауыртпашылығы мол қызмет иелерінің еңбегін бағалау, үлгі ету мақсатында ағымдағы жыл «Машинист жылы» деп аталды. Осы ретте локомотившілер үшін Құрметті теміржолшы атағына пара-пар «Құрметті локомотив машинисі» төсбелгісі тек өз мамандығын шексіз сүйетін, қызметіне адал қызметкерлерге ғана табыс етіледі, – деп атап өткен мейман қос бірдей семейлік машинисті барша әріптестерінің алдында салтанатты түрде құрметті атақпен марапаттады. Адал еңбегі, пойыз қозғалысы қауіпсіздігін сақтудағы зор жетістігі және осынау жылдар бойғы локомотив шаруашылығына қосқан елеулі үлесі үшін ТЧЭ-24 мекемесінің машинисі Зейнолла Калинкин мен Марат Макремов «Құрметті локомотив машинисі» төсбелгісі мен куәлігін иеленді. Сонымен қатар, барлық мерейлі марапат иелеріне 15 АЕК көлеміндегі сыйақы берілді. Зейнолла Қапарұлы темір жолға 1988 жылы келіпті. Содан бері локомотив шаруашылығында табан аудармастан еңбек етіп келеді. Ал Аягөз қаласының тумасы 3-ші класты машинист Марат Тоқтарұлының қызмет етіп жүргеніне 20 жылға жуықтап қалыпты.

Аягөз – локомотившілер ұстаханасы

Басқа да жаңалықтар

Қазір оқылуда

Қазақстан теміржолшысы газеті, №80 09 қазан 2026 жыл

Қазақстан теміржолшысы газеті, №79 06 қазан 2026 жыл