Қайырымдылық – қасиетті парыз

Жаңалықтар

07.12.2016, 10:28

Оқуға 2 мин

Жыл басынан бері Шығыс Қазақстан жүк бөлімшесі мен оның құрылымдары теміржолшы отбасылары мен зейнеткерлерге 45 млн теңге көлемінде әлеуметтік көмек көрсетті. Қайырымдылық шараларына шығыстық теміржолшылар әу бастан белсене атсалысып келеді. Теміржол кәсіпорны кәсіподақ ұйымының ұйытқы болуымен қараша айының соңында «Жылу сыйла!» облыстық акциясы аясында өскемендік аз қамтылған отбасының бірі – екінші топтағы мүгедек Марина Некрасова мен ұлы Иванға өз өтініштері бойынша көмек көрсетті. Сондай-ақ Защита пайдалану локомотив депосының ұжымы мен кәсіподақ ұйымы жағдайы төмен жандарға көмір түсіріп берді. Сонымен қатар «Шын жүректен» республикалық телемарафонында Шығыс Қазақстан темір жолы директорының орынбасары Отарбек Қасымбековтың бастамасымен жергілікті теміржолшылар ауыр дертке шалдыққан балалардың еміне 500 мың теңге аударды. Сондай-ақ, ағымдағы жылы «Мектепке жол» акциясы аясында 25 аз қамтылған отбасының балалары мен 92 теміржолшылар отбасының балаларына кәсіподақ атынан 460 мың теңге бөлініп, оқушылар мектепке қажетті құралдармен қамтамасыз етілді. Облыстық кешендік жоспарды іске асыру аясында өскемендік теміржолшылар ата-анасының қамқорынсыз қалған жетім балаларға қамқорлық танытып келеді. –Біз «Тұрғын үй құрылыс жинақтаушы банкі» АҚ-ның Шығыс Қазақстандағы филиалы мен Балалар ауылының басшылығымен келісімшарт жасастық. Қазір біздің 5 тәрбиеленушіміз бар. Кәсіпорын жылына бір рет біркүндік жалақыларын сол балаларға аударады, – деп сыр бөлісті Отарбек Қасымбеков. Теміржолшылар кәсіпорны өз қызметкерлеріне қол ұшын созудан қалыс қалған емес. Мәселен, өткен жылы Зубовск пен Парыгино елді мекеніндегі 150 үй қатты жауған жауын мен селдің кесірінен су астында қалды. Оның 12-і Ұлттық компанияның қызметкерлері. Аймақ теміржолшылары бірауыздан 2 млн 320 мың теңге жинап, қиын жағдайға тап болған әріптестеріне көмектесті. Оған қоса 230 мың теңгені кәсіподақ ұйымы зардап шеккендерге аударды. Ағымдағы жылдың қаңтарында теміржолшылар өз еріктерімен 245 мың теңге жинап шаңырағын өрт шарпыған Жексенбековтер отбасына, мамыр айында үйі өртке оранған Мамытовтар отбасына 100 мың теңге қаржылай көмек көрсетті.

Қайырымдылық – қасиетті парыз

Басқа да жаңалықтар

Қазір оқылуда

Қазақстан теміржолшысы газеті, №80 09 қазан 2026 жыл

Қазақстан теміржолшысы газеті, №79 06 қазан 2026 жыл