Дәстүрлі қар сенбілігін ұйымдастырды

Жаңалықтар

08.12.2016, 10:16

Оқуға 2 мин

Семей теміржолшылары арасында дәстүрге айналған «қысқы сенбілік» биыл жылдағыдан анағұрлым ерте басталды. Себебі, толассыз жауған қармен күрес қарашаның ортасында-ақ басталып кеткен болатын. Қарашаның соңында өңірге екі айлық норма көлемінде ақ ұлпа түсіп үлгерді. Тіпті, пойыздан басқа көлік түрлерінің қатынасы шектеліп, станция басындағы қызметтік өткелдермен жүрудің өзі мұңға айналған еді. Туындаған жағдайға орай семейлік теміржолшылар қармен күреске бір кісідей жұмылып, қысқы сенбілік өткізді. Қарқынды шараға ЭЧ-18, ШЧ-29, ТЧЭ-24, Семей станция мен Семей жол дистанциясы қызметкерлері жаппай қатысып, аптаның екі күнін станция басын қардан тазартуға арнады. Қармен күреске ПЧ-39 мекемесінің жолшылары белсене қатысып, бұл күндері дистанцияның жүзге жуық адамы жұмыла еңбек етті. – Қар сенбілігінің нәтижесінде станциялық жолдар толықтай тазартылды. Небәрі екі тәуліктің ішінде Семей станциясы бойынша қар тазалағаш пойыздың көмегімен ондаған вагон қар шығардық. Техниканың барлығы өзіміздікі, жұмыс күші де жеткілікті. Пойыз қозғалысында кедергі жоқ. Қазіргі күні барлық бағыттарға жол ашық, станция басындағы алты платформа толықтай ақ ұлпадан тазартылды, –дейді Семей жол дистанциясының бас инженері Мырзабек Керейбаев. Жалпы, қармен күрес 10 қарашада басталып, қар қалың түсетін Локоть – Семей телімінде СДПМ машиналары шыға бастаған. Аймақтағы Ауыл, №41 разъезд, Белағаш, Дүйсекен сынды станциялар бойынша арнайы қар тазалағыш машиналар бекітіліп берілген. Сонымен қатар, Семейдің басында екі қар тазалағыш машина мен үш СДПМ қауырт жұмыс үстінде. Нәтижесінде , соңғы жиырма күн ішінде 16 мың 400 куб қар шығарылып, жалпы ұзындығы 750 км жол бойы қардан тазартылған.

Дәстүрлі қар сенбілігін ұйымдастырды

Басқа да жаңалықтар

Қазір оқылуда

Қазақстан теміржолшысы газеті, №80 09 қазан 2026 жыл

Қазақстан теміржолшысы газеті, №79 06 қазан 2026 жыл