Азат елдің аруы

Жаңалықтар

20.12.2016, 17:09

Оқуға 2 мин

Тәуелсіз елде туылып, ер жеткен, санасы құлдық санадан азат жастың бірі Салтанат Толыбаева – үйдегі 6 баланың тұңғышы. Ел егемендігімен тете өскен жас теміржолшы 1992 жылдың наурызында қарапайым теміржолшылар шаңырағында дүниеге келді. М.Тынышбаев атындағы Қазақ көлік және коммуникация академиясында оқып жүрген жылдары сабақты үздік оқығаны үшін тәуелсіз Қазақстанның тұңғыш көлік министрі Нығметжан Есенғариннің атаулы шәкіртақысын алған кезде болашақ мамандығына деген сүйіспеншщілігі мен құрметі арта түскен. Оқу орнын қызыл дипломға бітіріп алтын бесік ауылы – түбекке оралғанда да арманы аламатудай болды. Оқу орнының берген жолдамасы бойынша әуелі Өзен станциясында станция бойынша кезекші жанындағы оператор болып 8 ай жұмыс істейді. Бұдан кейін «ҚТЖ – Жүк тасымалы» АҚ – Маңғыстау бөлімшесі филиалына жүк қабылдап-тапсырушы қызметіне ауысып, «ҚТЖ» Жастар кеңесінің Маңғыстау аймақтық өкілі болып сайланады. Кешегі арманы мен үмітін серік еткен жас қыз нағыз теміржолшы маманға айналды. Өмірлік серігін кездестіріп отбасын құрды. -Менің өмірлік жолдасым да теміржолшы. Таныстығымыз әлеуметтік желіден басталды. Сөйлесе келе, әңгімеміз жарасып, отбасын құрдық, – дейді жас маман. Салтанаттың әкесі Шорабай Абдашов та саналы ғұмырын темір тұлпар тізгіндеуге арнаған «Құрметті теміржолшы», Маңғыстау локомотив пайдалану депосының тепловоз машинисі. Салтанаттың айтуынша, әкесі жұмысқа асығыс кетіп, тоңазытқышта тұрған тамағын әкетуді ұмытып кеткен кездері анасы мектепте оқитын тұңғыышын апарып беруге жиі жұмсайды екен. ─ Әкемнің отбасындағы 5 ұлдың үшеуі теміржолшы, екеуі мұнайшы. Әр жұмыстың өз қиындығы мен қызығы болады. Шойын жол саласының жауапкершілік жүгі таудай. Мысалы, болмас қателігіңмен үлкен апат тудыруың мүмкін немесе жұмысқа олақ қарасаң, біреудің миллиондаған соммадағы тауары жоғалып кетуі ғажап емес. Тауардың саны мен бағасы дұрыс жазылмаса да қателіктің орнын қалтаңмен жабасыз. Пойыз көп кезде аяққа тыным болмайды, бір ауысымда 20-30 адам жұмыс істейміз, – дейді Салтанат. Оның осындай ортада жұмыс жасап жатқанына 2 жылдан асты. Жұмысқа уақытылы барып, жоспар барысы мен күн тәртібі, техникалық қауіпсіздік туралы жиынға қатысады. Жүк пойызы келгенде бүкіл вагонға тексеріс жасайды, вагон пломбаларын тексеріп, тиелген жүкті таразылап, ешқандай ақау жоқтығына, барлық техникалық жағдайлардың дұрыстығына көз жеткізеді. Бір ауысымдағы үш адамның әрқайсысы өз жұмысына жауапты.

Азат елдің аруы

Басқа да жаңалықтар

Қазір оқылуда

Қазақстан теміржолшысы газеті, №80 09 қазан 2026 жыл

Қазақстан теміржолшысы газеті, №79 06 қазан 2026 жыл