Былтыр Шымкент ТЖ байланыс және белгі беру құралдары 27 рет істен шыққан

Шымкент бөлімшесінде өткен жылдың он екі айында белгі беру және байланыс құрылғыларының жұмыс істемей қалған 27 оқиғасы тіркелген. Бұл кемшліктерге жұмыс өндірісіндегі технологияның бұзылуы, құрылғылардың ескіруі, т.б. себеп болған.

Кемшіліктерді Шымкент және Арыс дистанцияларына жіктесек, ШЧ-37 бойынша – 11, ШЧ-38 бойынша – 16. Дегенмен, адам факторынан тыс техникалық ауытқулар да ақау санын арттырған жағдайлар тіркелген. Мәселен, өткен жылы Шеңгелді-Шанақ аралығындағы станцияда бағдаршамның қызыл түсі жанып, жалған белгі берген. Оның себебін тексере келген мамандар №3 және №5 сигналдық нүктелер арасындағы релелік тізбекте кабель өзегінің сынғанынан деп түсіндірді. Ал Арыс-2 станциясында №5 бұрма бағыттамасын ауыстыру кезінде тұйықталмай қалған. Себебі Сарыағаш станциясында арнайы маманның нұсқауы орындалмаған. Планкаларды сәйкестікке келтіру бойынша Арыс-2 станциясында бірінші жалғағыш тартқыштың сырғаларында тұйықталу болған. Шойтөбе станциясында Альстом типті бағыттамада бақылау болмауына байланысты кері жағдай орнап, пойыз сигнал бойынша жүріп кеткен. Сонымен қатар кейбір станцияларда жалған қызыл түстер жанып кеткендіктен пойыздар кідірген. Түлкібас станциясында кабельді төсеу үшін траншеяларды қазу кезінде SBZPU 20x1 типті релелік кабельге зақым келген. Нәтижесінде құрылғы жалған белгі берген.

Бұдан бөлек, өткен жылдың он екі айында КТСМ құрылғыларының жұмысы бойынша КТСМ аспаптарымен бақыланған пойыздар саны 1663 бірлікке ұлғайып, 297139 бірлікті құрады, ал тоқтатылған пойыздар саны 7 бірлікке азайған.