Еңбек түбі – береке

Маңғыстауда теміржолшылардың еңбегі еленіп, марапатқа ие болды. Өңірге іссапармен келген «ҚТЖ-Жүк тасымалы» ЖШС Бас директоры Асан Үмбетов көктемгі байқау қорытындысы және қозғалыс қауіпсіздігін қамтамасыз етудегі жоғары жауапкершілігі үшін бірнеше сала қызметкеріне Алғыс хат табыстады.

Көктемгі комиссиялық байқаудың қорытындысына назар аударған Үмбетов алдағы міндеттерге де тоқталып өтті. Әрбір сала қызметкері өзіне тапсырылған міндетті адал және ұқыпты атқарып, қозғалыс қауіпсіздігін қамтамасыз етуге жоғары жауапкершілікпен қараса, барлық жұмыс талаптарға сай болатынын айтты. Осы тұрғыда жоғары өндірістік көрсеткіштерге қол жеткізіп, құрылғылар мен шаруашылық нысандарын күтіп ұстап, еңбек тәртібін сақтап, қозғалыс қауіпсіздігін сақтауға үлесін қосып жүрген түбек теміржолшыларына ризашылығын жеткізді.  

Бас директор Маңғыстау станциясы агенттік пунктінің бастығы Амантай Нұрсапин, Маңғыстау локомотив пайдалану депосының Жаңаөзен айналым депосы бойынша бастығының орынбасары Данияр Замкенов, Маңғыстау жол дистанциясының бастығы Қуаныш Есжанов, Маңғыстау электрмен жабдықтау дистанциясының бастығы Игілік Машырықов, Маңғыстау қалпына келтіру пойызының бастығы Ербол Мүсірханов, Маңғыстау қалпына келтіру пойызының кран машинисі Рахымғали Сұлтанов, Маңғыстау станциясы «Р» бекетінің кезекшісі Үміт Жұмалабаева, Маңғыстау ст. агенттік пункті тауар кеңсесінің басшысы Гүлжамал Балғожаева, Маңғыстау локомотив депосының жөндеуді бақылау бөлімі бастығы Сәбит Зияев, тепловоз машинисі Тоқтамыс Нұранов, Маңғыстау жол дистанциясының жол шебері Ғабит Абилов, Маңғыстау байланыс дистанциясының электромеханигі Ақжол Тұмыш сынды азаматтарды Алғыс хатпен марапаттап, сертификат табыс етті.