Жол бойындағы «жедел жәрдем»

Аймақтар

18.11.2016, 12:54

Сыр өңіріндегі Қызылорда және Қазалы қалпына келтіру пойыздарының құрылғанына қараша айында 80 жыл толып отыр. Қызылорда магистральдық желі бөлімшесінің құрамдас бөлімі ретінде жұмыс жасайтын қос ұжым айтулы датаны атап өтті. 1936 жылы Жол қатынастары халық комиссары (НКПС) Л. Кагановичтің қараша айындағы №168Ц бұйрығымен іргесі қаланған қалпына келтірушілер сол заманнан бері жылжымалы құрамдар апатқа ұшыраса оқиға орнына жедел жетіп, апаттың зардабын тез қалпына келтіріп, құрамдардың жолын онан әрі жалғастыруына жағдай жасайтыны, оны темір жолдың «жедел жәрдеміне» теңестіреді. Алғаш құрылғаннан бері түрлі құрылымдық өзгерістерден өткен қалпына келтірушілер қазіргі таңда Қызылорда магистральдық желі бөлімшесіне құрамдас мекеменің бірі. Темір жол бойында жұмыс жасайтын әр мекеменің болуы ықтимал кедергілерінің белгілі бір дәрежеде, алдын-ала түзілген сызбалары жеткілікті. Мәселен байланысшыларда желінің үзілуі, электрмен жабдықтаушыларда бағананың құлауы, сымның үзілуі секілді сызба-суреттемелер болуы мүмкін және олардағы кедергілер біріне-бірі ұқсас келеді, алайда қалпына келтірушілерде ондай сызбаның болуы некен-саяқ. Сондықтан біздер қандай жағдайға болса да дайын отыруымыз керек. Яғни қандай қиындық орын алса да біздер оны белгілі уақыт ішінде қалпына келітіруге міндеттіміз. Ол үшін біздердің қажетті құрал-жабдықтарымыз жеткілікті. 125 тонналық ЕДК-1000/2, 60 тонналық ЕДК 300 жүк көтергіш крандар, БТТ тартқышы, гидравликалық ХЕШ жинағы, Т330, Т3501ЯБЛ алып тракторлары, ең бастысы өзіміздің жеке ғимаратымыз бар, – деді мекеме тарихына шолу жасаған Қызылорда қалпына келтіру пойызының бастығы Марат Оспанов. Қызылорда магистральдық желі бөлімшесі директоры Ибраким Басықараев бар ғұмырын осы мекемеге арнаған Владимир Цой, Тамара Зайцова, Виктор Яснев секілді ардагерлерге бағалы сыйлық тарту етіп, еңбек озаттарына мақтау грамотасын табыстады. Ал Қазалы қалпына келтіру пойызының мерекесіне бас инженер Ербол Оңғарбаев ортақтасып, ұжымның қуанышымен бөлісті. Онда да төрт зейнеткерге арнайы сый-сияпат жасалып, еңбек озаттарына Қызылорда магистральдық желі бөлімшесі директорының құрмет грамотасы табыс етілді. Жиын соңында ұжымның 80 жылдық мерейтойына арналып әзірленген қабырға суреті бедері мен пойыз маңында естелік суретке түсу рәсімі өтті.

Жол бойындағы «жедел жәрдем»

Басқа да жаңалықтар