Бес вагон сүйреп рекорд орнатты

Спорт
12.05.2025, 12:12
Суреттер time.kz сайтынан алынды
Нұрлыбек Досыбай

Түркістан облысы бойынша меншікті тілші

Шымкентте қара күш иесі Артық Досалиев салмағы 120 тонна болатын 5 вагонды сүйреп, жаңа рекорд орнатты. Оқиғаны көрермендер мен Қазақстан рекордтар кітабының өкілі бақылап, көрсеткіш ресми түрде тіркелді.

Айтулы оқиға Қызылсай станциясы қызмет көрсететін аумақта орналасқан кәсіпорынның тұйық жолында болды. Қызықты сәттің өтуіне мұрындық болған станция басшысы Баянды Раманқұловпен байланысып, оқиғаның жай-жапсарын сұрадық. Ол сәуір айының басында кеңсеге хат түскенін айтты. Онда ел ішінде саламатты өмір салтын ұстануды кеңінен насихаттау мақсатында арнайы іс-шара өткізу көзделіп отырғаны баяндалған екен.

– Біз өз кезегімізде жоғары тұрған сала басшыларымен хабарласып, рұқсат алып бердік, – дейді Баянды Мамырқұлұлы.

Негізінен, зауыттағы темір жол учаскелері жекеменшік мүлік болғанымен, станцияға тиесілі локомотивтер жүк вагондарын кіргізіп-шығару қызметін атқарады. Сондықтан да қос мекеменің жауапты мамандары өзара түсінісе отырып, еңбек көрігін қыздырып келеді. Осы орайда зауыт пен станция арасында жылжымалы құрам қатынасын реттеп отыратын маман «Сандарт цемент» ЖШС өкілі Әсет Махамбетқалиевпен де тілдестік. Ол өз кезегінде көпшілікті таңдандырған қара күш иесі Артық Досалиевтің бауыры ертеректе осы кәсіпорында қызмет еткенін атап өтті.

– Сол азамат бізге келіп, ағасының ой-ниетін зауыт басшылығына айтып, қолдау табады. Содан өндіріс орнында қауіпсіздік қағидаларын қатаң сақтай отырып, жұмыс қарқынын бәсеңдетпейтін мүмкіндіктерді қарастырып осы оқиғаны ойдағыдай өткіздік, – дейді Әсет Әбдіхалықұлы.

Азаматтардың айтуынша, пауэрлифтингтен спорт шебері, бес дүркін әлем чемпионы, екі мәрте Еуропа чемпионы, Азияның сегіз дүркін жеңімпазы Артық Досалиевтің рекорд орнатуы үшін оның тыңғылықты дайындық жасауына жағдай жасалған.

– Сәуірдің 15-інен бастап зауыт іргесіндегі тұйық жолдың қайсысы қай кезде босайтынын алдын ала Артық ағамызға хабарлап отырдық. Әрине, ол келіп, бой қыздырып, жаттығуға кіріскенше біз 5 вагонды жолға қойып үлгердік. Осылайша, алаңсыз жаттығуын қамтамасыз еттік, – дейді Әсет Әбдіхалықұлы.

Тағы бір айта кететіні жаттығу кезінде тұйық жолдың тегістік деңгейі де баса назарға алынған. Яғни, вагондар инерциямен келіп, өздігінен тоқтайтын жол таңдалып, рекордтық көрсеткіш сол жерде тіркелген.  

Оқиға орнында Қазақстан рекордтар кітабының ресми өкілі Бақытжан Тастүлеков болып (бұл кісі біздің газеттің алғашқы редакторы болғанын да айта кеткен жөн), рекорд «таза» тіркелуі үшін жолдың тегістігін алдын ала арнайы құралдармен тексерген. Рельстің горизонталь болуын қадағалап, кейін Артық Досалиевтің жалпы салмағы 120 тоннаны құрайтын 5 вагонды 21 метр 40 сантиметрлік қашықтыққа сүйрегенін тіркеген. Оның айтуынша, бұған дейін Қазақстанда мұндай рекорд тіркелмеген. Ал кейіпкердің өзі бұл жетістігін Жеңістің 80 жылдығына арнап, батыр бабалар рухына құрмет көрсетуді мақсат еткенін айтады.

–Келесі жылғы Жеңіс күніне орай, 6, 7, 10, тіпті 20 вагонды сүйреуге ниеттімін, – дейді рекордсмен-спортшы.

 

Жаңалықтар
31.08.2025
ҚТЖ мен Қытай компаниясы «Бақты – Аягөз» теміржолын талқылады
Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек