Кореяда өздігінен басқарылатын трамвай сынақтан өтті
Корея Республикасының темір жол көлігі ғылыми-зерттеу институты өздігінен жүретін V2X трамвайын сынақтан өткізді, деп хабарлайды Rail-news.kz.
Вагондар камерамен және 100 м дейінгі қашықтықтағы жол бойындағы кедергілерді анықтап, танитын арнайы жүйемен жабдықталған. Аталған жүйе жолдағы жаяу жүргіншілерді, велосипедшілерді және басқа да кедергілерді анықтай алады және соқтығысу қаупін бағалап, оның алдын алу әрекетін жасайды.
Тану жүйесі сондай-ақ жол бойындағы бағдаршамдарды анықтай алады. Бағдаршамға дейін жол жүру уақытын бағалай отырып көлікті тоқтату немесе қозғалысты жалғастыру үшін жылдамдықты таңдау туралы шешім қабылдай алады.
Вагон байланыс желісі жоқ жерлерде жұмыс істеу үшін батареялармен жабдықталған. Автобағдарлау жүйесі вагондардың зарядтау станциясына дәл тоқтауын қамтамасыз етеді.
Сынақтан өткізу жұмыстары KRRI зерттеу орталығындағы ұзындығы 1,3 шақырымды жолда жүргізілген. Ол жерде вагондар әртүрлі жылдамдық режимінде және түрлі стандартты емес жағдайлар бойнша жүргізілді.
KRRI деректеріне сүйенсек, V2X технологиясы оқыс оқиғаларды 50%-ға және басқа да туындайтын залалды 30%-ға азайтуы ықтимал.