Euro-2024. Жанкүйерлер үшін Германия ішінде пойызбен қатынау тиімді болмақ

Әлемде
12.06.2024, 16:42
Қазақстан теміржолшысы

Санаулы күннен кейін осы жылдың дүбірлі додасы футболдан Еуропа чемпионаты басталады. Euro-2024 ойындары бұл жолы Германия төрінде өтеді. Миллиондаған жанкүйер чемпионатқа көз тігетіні белгілі. Ал, мүмкіндігі бар жұртшылық алаңға барып футбол ойынын тамашалайды. Яғни, Германияға алыс-жақын елден көптеген жанкүйер ағылады деген сөз. Бір мезетте елге келген қонақтарды Германия теміржолы қабылдап алып, қызмет көрсетпек.

Егер 2024 жылғы Еуропа чемпионатына жанкүйер ретінде баратын болсаңыз, қалалар арасында қатынауға пойызды таңдағаныңыз абзал.  Өйткені, Германиядағы әртүрлі орындарға баруда немесе елмен танысуда пойызбен саяхаттау тиімді болмақ. Германиядағы теміржол желісі көптеген қалалар мен аймақтарға оңай жетуге мүмкіндік береді және жақсы дамыған. Немістердің заманауи пойыздарында жүк қоятын орын мен кең отыру кеңістігі қарастырылған. Оған қоса Wi-Fi және борттық тамақтандыру қызметтерімен жайлылықтың жоғары деңгейі ұсынылады. Сондай-ақ пойызбен саяхаттау өзге көлік түрлерімен салыстырғанда экологиялық жағынан таза болып саналады. Бұл, әсіресе, көптеген жанкүйерлер Еуропа чемпионаты сияқты ірі спорттық іс-шараға бара жатқанда өзекті бола түспек.

Германиядағы жергілікті және қалааралық тасымал

Жергілікті көлік аймақ немесе мегаполис ішіндегі қысқа және орташа қашықтыққа бағытталған. Жергілікті пойыздар бірнеше аралық аялдама жасап, шағын қалаларды, қала маңындағы елді мекендерді және ауылдық елді мекендерді байланыстырады. Олар ұзақ қашықтыққа қатынайтын пойыздарға қарағанда баяу жүреді және жолаушыларды отырғызу және түсіру үшін көбірек аялдамалар жасайды.

Германиядағы пойыз билеттері

Ол жақта сіз пойыз билеттерін онлайн, ұялы телефоныңыз арқылы,  қала ішіндегі кассадан немесе вокзалдағы кассадан сатып ала аласыз. Сандық билеттерді ұялы телефонда немесе қолданбада оңай сақтауға болады. www.bahnhof.de сайтында өзіңізге ең жақын станцияны таңдап, DB туристік орталықтарының орнын таба аласыз. Deutsche Bahn әртүрлі билеттер түрін ұсынады. Кейбір ұсыныстар, мысалы, неміс теміржол билеті тек Германиядан тыс жерде тұратын адамдар үшін жарамды. Жастарға немесе егде жастағы адамдарға, топтарға немесе әртүрлі аймақтарға арналған арнайы ұсыныстар да бар.

Еуро 2024 нысандарына пойызбен бару

Еуро-2024 футбол матчтары келесі қалаларда өтеді:

  • Берлин (B)
  • Мюнхен (М)
  • Дортмунд (DO)
  • Штутгарт (S)
  • Гамбург (HH)
  • Дюссельдорф (D)
  • Франкфурт (F)
  • Кельн (К)
  • Гельзенкирхен (GE)
  • Лейпциг (L)

Жанкүйерлерге кеңес

Егер Берлиннен Лейпцигке, Гамбург немесе Дортмундқа барғыңыз келсе пойызбен сапарлау тиімді болмақ. Бұл үш қалаға пойызбен 4 сағаттан аз уақыт ішінде жетуге болады. Берлиннен Штутгартқа дейін пойыз жолы ең ұзақ болмақ. Мұнда 5-тен 6 сағатқа дейін жол жүресіз.

Егер сіз сапарыңызды Мюнхеннен бастасаңыз, онда Штутгарт, Лейпциг немесе Франкфуртқа пойызбен бара аласыз. Рурск облысының қалалары - Гельзенкирхен және Дортмунд - Мюнхеннен пойызбен жүретін ең ұзын қалалар. Дортмундтан көршілес Гельзенкирхен, Дюссельдорф және Кельн қалалары арасында да тамаша байланыстар бар.

Сіз сондай-ақ Франкфурт пен Гамбургке пойызбен өте жылдам жете аласыз. Дегенмен, Мюнхенге дейін пойызбен жүру шамамен 6 сағатты алады.

Айта кетсек, Еуро-2024 чемпионаты 14 маусым мен 14 шілде аралығында өтеді.  Бұл УЕФА демеушілігімен өткізілетін 17-ші турнир болмақ.

Турнирді өткізуге Германия 2018 жылдың 27 қыркүйегінде таңдалды. Елде ірі халықаралық футбол турнирлерін өткізу тәжірибесі бар. Германияның 10 қаласында өтетін турнирге 24 команда қатысады.

 

Аймақтар
02.08.2025
Сән-салтанат та, марапат та қарапайым еңбек иелеріне арналды
Жаңалықтар
01.08.2025
ҚТЖ-ның үздік қызметкерлері мемлекеттік және ведомстволық наградалармен марапатталды
Аймақтар
01.08.2025
Қызылорда теміржолының шежірелі жолы мен жаңа жетістіктері
Аймақтар
01.08.2025
Ерен еңбек еленген күн
ҚТЖ келбеті
01.08.2025
Маңғыстаулық машинист Президент қолынан мемлекеттік награда алды
Жаңалықтар
01.08.2025
ҚТЖ басқарма төрағасы қызметкерлерді теміржолшылар күнімен құттықтады
Жаңалықтар
01.08.2025
Көлік саласы қызметкерлеріне мемлекеттік наградалар табыс етілді
Жаңалықтар
01.08.2025
Мемлекет басшысы көлік саласының қызметкерлерін марапаттады
Жаңалықтар
01.08.2025
ҚТЖ «HR-бренд 2025» байқауында жүлделі орынға ие болды
Аймақтар
01.08.2025
Кәсіби мерекеге тарту
Аймақтар
01.08.2025
Сын сағатта сыналғандар
ҚТЖ келбеті
01.08.2025
Темір жолдың темірдей тәртібінде шыңдалған ер
ҚТЖ келбеті
01.08.2025
Құрметке лайық Күнсұлу
Аймақтар
01.08.2025
Мамандық таңдау – маңызды қадам
ҚТЖ келбеті
01.08.2025
Теміржолшының сергектігі – жүздеген жолаушының амандығы
ҚТЖ келбеті
01.08.2025
Байланыстың бапкері
ҚТЖ келбеті
01.08.2025
Алғыс арқалаған жолсерік
Жүк тасымалы
01.08.2025
«ҚТЖ» – Еуразиялық транзиттік дәліздердің негізгі драйвері
Аймақтар
01.08.2025
Сенат депутатымен кездесу өтті
Жаңалықтар / Мұрағат
01.08.2025
Қазақстан теміржолшысы газеті, №59-60 01 тамыз 2025 жыл