ҚТЖ: уақытша шектеулер қытай тарапының пойыздарды қабылдауының төмендеуімен байланысты
Осы жылдың қазан айында Қытай Халық Республикасы тарапынан Алтынкөл мемлекетаралық түйіспесі арқылы пойыздарды қабылдаудың тәулігіне 14-тен 10 пойызға дейін, ал жекелеген күндері 6-ға дейін төмендеуі байқалады, деп хабарлайды Rail-news.kz.
ҚХР уәкілетті органдары Үрімші және Бейжің қалаларында сынамаларды іріктеу мен зертханалық талдауды қоса алғанда, астық жүктерін тереңдетіп тексеруді жүргізуде. Тексеру 5-тен 10 күнге дейін созылады.
Қалыптасқан жағдай қазақстандық тарап инфрақұрылымының пайдалану жағдайына әсер етіп, Қытай бағытында келе жатқан экспорттық және транзиттік жүктері бар шамамен 3 000 вагонның жиналып қалуына әкелді. Аталған көрсеткіш беруді күтіп тұрған жылжымалы құрамның нормативтік санынан асып түседі. Бұл ретте құрамдарды қабылдау бұрын қытайлық тараппен толық келісілген болатын.
Инфрақұрылымның тұрақты және қауіпсіз жұмысын қамтамасыз ету үшін «ҚТЖ» ҰК» АҚ контейнерлік пойыздарда тасымалданатын жекелеген экспорттық астық жүктеріне тәулігіне үш құрамнан аспайтын қабылдауға уақытша технологиялық шектеулер енгізуге мәжбүр.
Қабылданған шара уақытша әрі мәжбүрлі сипатта және жөнелтімдерді ҚТЖ-ның жауапкершілігі аймағынан тыс қабылдаушы инфрақұрылымның нақты дайындығымен үйлестіруге бағытталған.
Тұтастай алғанда, Қазақстанның теміржол желісі штаттық режимде жұмыс істейді және жүктердің расталған көлемін тасымалдауға толық дайын.