Атырау өңірінде жол бойындағы құрылғыларды модернизациялау қарқынды жүріп жатыр

Инфрақұрылым
20.01.2023, 11:12
Қосұйым Мұқашев

Атырау облысы бойынша меншікті тілші

Ақжайық сигнализация және байланыс дистанциясы Атырау-Мақат, Мақат-Сағыз теліміне қызмет көрсетеді. 19 станция, 15 өткел және 5 диспетчерлік айналымды қамтитын 300 шақырымға жуық жол бойында құрылғыларды модернизациялау қарқынды жүріп жатыр.

Өңірде «Тальго» жүрдек пойызының жүруіне орай Мақат станциясының екі жағынан, Жамансор, Мұқыр, Жантерек, Ескене және Теңдік станцияларында қорғалатын, күзетілетін, автошлагбаумы бар барлығы 7 өткел салынды. Дистанция бастығы Айбек Жолдасовтың айтуынша, бүгінде қолданыстағы барлық кабель желісінің ұзындығы 481,174 шақырымды құрайды. 15 өткелдің үшеуі ПАШ автошлагбауммен, қалғаны қолмен атқарылатын автошлагбауммен жабдықталған. Барлық өткел жұмысы қадағаланады. Яғни жүрдек пойыз келе жатқанда оның жолын кесу мүмкін жағдайлар болмайды. Мәселен, 1,5 шақырым бұрын басқа жолдардың бәрі жабылып, шағын станцияларда белгі беру құралдары дыбыс бере бастаса, үлкен станцияларда пойыздың келе жатқаны репродуктор арқылы хабарланады. Жолда жұмыс жасап жүрген не басқа да адамдарға пойыздың келе жатқаны туралы ескерту беріледі.  

Өткен жылы дистанция СЦБ, байланыс, КТСМ және радио қондырғыларға техникалық қызмет көрсету бойынша «жақсы» баға алып, ақау болмаған. Осы мерзімде 18 дана СП түріндегі бұрма электржетектері, 122 дана электр қозғалтқыштар жаңасына ауыстырылды. Барлығы 349 бұрма электрлендірілген орталыққа қосылған. Ескене станциясы мен 44-бекетте релелік шкафтар түгел жаңартылды. Бұған дейін 1,475 шақырымға МКПАб-7х-21,2 байланыс кабелі төселген болатын. Пойыз жүріп өту сигнализациясы 140 шақырымға қайта есептелді, пойыз өту үшін маршрутты екі учаскеден бұғаттау, сол аралықта жол монтерлеріне белгі беру қондырғыларын орнату жұмыстары да сәтті жүргізілді.  

2022 жылы дистанция бойынша бағдаршам лампалары жарықдиодты модульдерге алмастырылды. Жұмысшылардың өз күшімен разъездерде ғимараттарға күрделі жөндеу жүргізіліп, бұрынғы көмірмен жағылатын пештер бұзылып, электр қазандықтарымен ауыстырылды.

Бүгінде дистанцияның аудандық тораптарын қосқанда 26 цехы бар. Олар негізінен станция-разъезд басында. 19 станцияның бәрі де электрлендірілген орталыққа қосылған. Өңірде барлық қызметтер цифрландыруға көшуіне байланысты Ақжайық және Мақат станциялары ЛАЗ жүйесі модернизацияланып, Raisecom RS3000-15 жүйесіне – яғни жабдықтардың жағдайы мен апатты жағдайларды шынайы көрсетіп отыратын және оларды қашықтан басқара алатын жүйеге көшті. Сонымен қатар қозғалыс қауіпсіздігін қамтамасыз ету үшін жүріп бара жатқан қозғалмалы құрамның техникалық жағдайына автоматты бақылау жасайтын КТСМ құрылғысы іске қосылған. Өңірде Сағыз станциясынан Ганюшкино станциясына дейінгі жол телімі ВОЛС желісіне қосылып, мұнда да ақпаратты үлкен көлемде және шұғыл беруге жағдай жасалған. Айта кетерлігі, Ақжайық сигнализация және байланыс дистанциясы соңғы 30 жылда еңбек қауіпсіздігі бойынша бірде-бір ескерту алмаған.  

 

Жаңалықтар
31.01.2023
Мас екі жолаушы әйел пойыздан түсіріліп, айыппұл арқалады
Жаңалықтар
31.01.2023
ҚТЖ компаниясы HR-менеджерлердің құзыретін арттыруға ден қойып отыр
Әлеумет
31.01.2023
ҚТЖ қызметкерлердің жалақысын көтеруді жоспарлап отыр
Жолаушылар тасымалы
31.01.2023
"Жолаушылар тасымалы" АҚ билетсіз жүретіндерге бақылауды күшейтті
Қауіпсіздік
31.01.2023
2022 жылы теміржол өткелдерінде 26 жол-көлік оқиғасы тіркелген
Жаңалықтар
31.01.2023
Техникалық сабақ өткізудің маңызы зор
Аймақтар
31.01.2023
Шу белгі беру дистанциясы жақсы көрсеткішке қол жеткізді
Қауіпсіздік
31.01.2023
Пойыздардың қозғалысына нұқсан келтіретін жайттар 11%-ға кеміген
Мұрағат
31.01.2023
«Қазақстан теміржолшысы» газеті, №7 31 қантар 2023 жыл
Жаңалықтар
30.01.2023
Маңғыстау қосалқы бөлімінде кітап көрмесі ұйымдастырылды
Жаңалықтар
30.01.2023
Петропавлда отандық вагондар шығарыла бастады
Қауіпсіздік
30.01.2023
Машинистер жол бойындағы келеңсіздіктің алдын алуға барынша тырысуы керек – Прокуратура
Әлеумет
30.01.2023
«Нұрлы жол» вокзалы мүгедектігі бар жандар үшін қолайлы бола түспек
Жаңалықтар / ҚТЖ келбеті
30.01.2023
Ардагер – тоқсан жаста
Жаңалықтар
29.01.2023
Елдің мазасын алған жолаушы пойыздан түсірілді
Әлеумет
28.01.2023
Әлеуметтік жобаға қолдау көрсетілуде
Жаңалықтар
27.01.2023
ҚТЖ басшысы Президентпен кездесті
ҚТЖ келбеті
27.01.2023
Құрметті теміржолшы Алик Досанов алпыс жасқа толды
Қауіпсіздік
27.01.2023
Пойыздардың терезесін таспен атқылау әлі де кездеседі – желілік полиция
Аймақтар
27.01.2023
Қазалыдағы станция жолдарына санитарлық тазалық жүргізілді