Жылыту маусымына дайындық мәселелері талқыланды
«Қазақстан теміржолшысы» газетінің тілшісі
Теміржолшылар алдағы қыс маусымына дайындықты пысықтауға кірісті. Көмір тасымалына байланысты кірме жолдар өкілдерімен бірге алдағы жылыту маусымына дайындық мәселелері талқыланды.
Саладағы жауапты мекеме өкілдері ҚР Индустрия және инфрақұрылым министрлігі мен Астана қаласы әкімдігі өкілдерімен бірлесіп тұрғындар үшін көмір түсірілетін елордалық кірме темір жолдарды аралады. 2023-2024 жылдардағы жылыту маусымын өткізу, күзгі-қысқы кезеңде тәуекелдерді нивелирлеу бойынша өзекті мәселелер талқыланды.
Көшпелі топ қатысушылары қоймалардағы қорларды қалыптастыру үшін ағымдағы жылыту маусымында көмір разрездерінен ай сайынғы жөнелтуді ұлғайтуды ұсынды. Бұл жол инфрақұрылымды тиімді пайдалануға мүмкіндік береді және күз бен қыс кезеңдеріндегі жүктемелерді азайтады деген сенім бар.