Арнайы мобильді қосымшаға 71 ақпарат тіркеген машинист бас жүлде-3 млн теңге сыйақы алды

Сұлугүл Бакесова

«Қазақстан теміржолшысы» газетінің тілшісі

«ҚТЖ» ҰК» АҚ басқарма төрағасы Нұрлан Сауранбаев қауіпті оқиғалардың алдын алу және проактивті құралдарды пайдалану номинациясы бойынша жеңімпаз деп танылған 10 теміржолшыны марапаттады, деп хабарлайды Rail-news.kz.

Бас жүлде – 3 млн теңгенің сертификатына Магистральдық желі дирекциясының филиалы – Маңғыстау НЖС-14 қарасты Бейнеу жол дистанциясының машинист-нұсқаушысы Қайрат Абдашов ие болды.

Салтанатты шарада сөз алған басқарма төрағасы Нұрлан Сауранбаев еңбек қауіпсіздігі және теміржолшылардың денсаулығын қорғау компанияның басты құндылығы екенін атап өтті.

– Компанияда қауіпсіз еңбек жағдайын жасау бойынша шаралар кешені жыл сайын жүзеге асырылып келеді. Алайда, қабылданып отырған шараларға қарамастан статистика көрсеткіші бізді алаңдатып отыр. Өткен жылы біз 8 әріптесімізден айырылдық. Сондықтан компанияға осы бағытта әлі де жұмысты ширата түсу қажет. Бөлімшелерде бақытсыз оқиғалар санын нөлге жеткізуге күш салуымыз керек. 2022 жыл «Самұрық-Қазына» қорында «Еңбек қорғау және қауіпсіздік жылы» деп жарияланды. Біздің компания да биылғы жылды осы ұранмен өткізеді, – деді басқарма төрағасы.

Бұдан кейін компания бас инженері Батыр Котырев еңбек қорғау бойынша 2022 жылғы міндеттер туралы баяндады. Оның айтуынша, жақында өткен Өндірістік қауіпсіздік форумында соңғы 7, 10, 15 жылда жарақаттанудың бірде-бір оқиғасы тіркелмеген 22 теміржол мекемесі марапатталған. Сонымен қатар профилактиканың қолданыстағы құралы «Қауіпсіздіктің іс-қимыл диалогы» бағдарламасы бойынша 25 мыңға жуық оқиға тіркелген. Ал Магистральдық желі дирекциясындағы былтырғы еңбек қауіпсіздігі жағдайы және биылға арналған бағдарламалар туралы ЦЖС-тың техникалық мәселелер жөніндегі атқарушы директоры Талғат Ибраембаев баяндады.

Салтанатты шара соңында қауіпті оқиғалардың алдын алу және проактивті құралдарды пайдалану номинациясы бойынша топ жарған жеңімпаздар атынан бас жүлде иегері Қайрат Абдашов сөз алды.

– Бүгінгі жүлдем үшін компания басшылығына, әріптестеріме алғысымды білдіремін. Өткен жылы әскерилендірілген темір жол күзетінің қарапайым қызметкері бас жүлдені жеңіп алып, отбасымен шетелде демалғанын естігенде, менің де қызығушылығым оянып, ПДБ қосымшасының шынында жұмыс істейтініне көзім жетті. Әрі бұл бағдарлама сала еңбеккерлерінің өндірістік қауіпсіздік мәдениетін қалыптастыруға, қауіпті оқиғалардың алдын алуға бағытталып отырғанын түсіндім. Және бұл бағдарламаны пайдаланып, өзім де қауіпсіздікке үлесімді қосамын деп шештім. Өткен жылы 71 қауіпті оқиғаны анықтап, оларды дер кезінде дәйек-дәлелдермен «Қауіпсіздіктің іс-қимыл диалогы» мобильді қосымшасына тіркеп, түрлі жазатайым жайттардың алдын алдым. Қуантатыны, мен осы іс-әрекетімен мүмкін бір әріптестерімнің өмірін сақтап қалуға, денсаулығын қорғауға үлес қостым деп ойлаймын. Қысқасы, ПДБ бағдарламасы қауіпсіз еңбек жағдайын қалыптастыруға, өндірістік қауіпсіздігін сақтауға және адамдардың жұмыс барысында жауапкершілігін арттыруға ықпал етеді, – деді бас жүлде иегері.
Аймақтар
18.09.2025
Көкшетауда Құрметті теміржолшы Мұратбек Тілеуленовпен кездесу өтті
Жаңалықтар
18.09.2025
Теміржолшылар экологиялық акцияны белсенді қолдады
Жүк тасымалы
18.09.2025
Қазақстаннан Қытайға өсімдік майының пилоттық партиясы жеткізілді
Цифрландыру
18.09.2025
Германия теміржолға 5G желісін енгізуде
Жаңалықтар
18.09.2025
Қарағандыда жүк пойызынан дизель ұрлаған қылмыстық топ ұсталды
Жаңалықтар
18.09.2025
Алматыда оқыту семинары өтті
Жолаушылар тасымалы
17.09.2025
Адамдар неге пойызбен жүруді жөн санайды?
Жолаушылар тасымалы
17.09.2025
Тағы қай бағыттың пойыздары Starlink интернетіне қосылатыны айтылды
Әлемде
17.09.2025
Калифорнияда сутекпен жүретін алғашқы пойыз іске қосылды
Жаңалықтар
17.09.2025
ALT университетінде ҚТЖ басшыларына арналған «Үздіктер алаңы» бағдарламасы басталды
Жүк тасымалы
17.09.2025
Қостанай өңірінен темір жолмен астық тасымалдау 20%-ға артты
Жаңалықтар
17.09.2025
Теміржолшылар қалдықтарды сұрыптау жолдарын үйренді
Жаңалықтар
16.09.2025
Теміржолшылардың қысқы маусымға дайындығы талқыланды
Жүк тасымалы
16.09.2025
Қытай – Қазақстан – Түрікменстан – Иран теміржол дәлізі жанданады
Трансформация
16.09.2025
Жүк тасымалы мен магистральдық желіні біріктіру – уақыт талабы
Аймақтар
16.09.2025
Қысқа әзірлік қарқынды жүргізілуде
Қауіпсіздік
16.09.2025
Екі көпір тұрса да, ерінетіндер көп
Аймақтар
16.09.2025
Әулиеата командасы бас жүлдені жеңіп алды
Қауіпсіздік
16.09.2025
«ҚТЖ»-да еңбек қауіпсіздігі мен экология бойынша үздіктер анықталды
Жаңалықтар / Мұрағат
16.09.2025
Қазақстан теміржолшысы газеті, №75 16 қыркүйек 2025 жыл