"Алтын" дисконттық картасы сатылымға шығарылды
14 наурыздан бастап сатылымға "Алтын" дисконттық картасы шығарылады. Ол Тальго жолаушылар пойыздары мен стандартты вагондарда 25% жеңілдікпен жүруге арналған, деп хабарлайды Rail-news.kz.
Картаны "Жолаушылар тасымалы" АҚ билет кассаларынан 19 999 теңгеге сатып алуға болады. Қызметті бір жыл бойы пайдалану қажет.
Билеттерді офлайн/онлайн сатып алу кезінде картаны пайдалануға болады. Ол дербес болып табылады және 15 жастан асқан жолаушыларға ресімделеді.
Жоба пилоттық болғандықтан, карталар саны шектеулі.
Барлық қосымша ақпаратты "Жолаушылар тасымалы" АҚ билет кассаларында дисконттық картаны ресімдеу және сатып алу кезінде нақтылауға болады.
Жол жүру құжаттарын (билеттерін) сату тек бір ғана жеңілдіктік тарифтік шарты бойынша жүзеге асырылады және басқа жеңілдікті тарифтік шарттармен жинақталмайды.
Жеңілдігі бар жолаушыларды теміржол билеттерін ресімдеу және сатып алу кезінде мұқият болуды және "жеңілдіктер" немесе "төмендетілген бағалар"санатын дұрыс таңдауды сұраймыз.