Литва делегациясы еліміздегі құрлық портының жұмысымен танысты
«Қазақстан теміржолшысы» газетінің тілшісі
Қазақстанға Литва республикасының көлік және коммуникация министрі Мариус Скуодис бастаған шетелдік делегация келді. Олар қазақ-қытай шекарасындағы көлік-логистикалық инфрақұрылым нысандарын аралады, деп хабарлайды Rail-news.kz.
Делегация құрамында Литва темір жолы, Клайпедск теңіз порты, Литваның Қазақстандағы елшілігі, Литва өнеркәсібі конфедерациясы, «LINAVA» автомобиль тасымалдаушылары ассоциациясы өкілдері болды. Экскурсия барысында қонақтарға «Нұр жолы» өткізу пункті мен Алтынкөл станциясындағы «Қорғас – Шығыс қақпасы» АЭА «KTZE-Khorgos Gateway» құрғақ портының инфрақұрылымдық және логистикалық мүмкіндіктері таныстырылды.
Кездесу соңында литвалықтар тарапы қазақстандық темір жол магистралі арқылы болашағы зор Балтық жағалауы бағдары бойынша «KTZE-Khorgos Gateway» құрлықтағы терминал мүмкіндіктерін қолдана отырып, трансқұрлықтық және контейнерлік тасымалды дамытуға мүдделілік танытты.
«KTZE-Khorgos Gateway» құрлық порты – Алтынкөл станциясындағы Қазақстанның ең қуатты терминалдарының бірі екенін ескере келе, тараптар қазақ-қытай шекарасы арқылы қатынайтын жүктерді сақтау, түсіріп-тиеу, өңдеу бойынша портта қызметтердің толық спектрі көрсетілетін артықшылықтарына жоғары баға берді. Мәселен, былтыр осы порт арқылы жиырмафунттық эквиваленттегі 274 мың контейнер өңделген, бұл 2020 жылғы көрсеткішке қарағанда 20 пайыз көп.