Интермодальдық көлік тасымалдары: меморандумға қол қойды
«Қазақстан теміржолшысы» газетінің тілшісі
«Жолаушылар тасымалы» АҚ мен Halyk bank интермодалды көлік тасымалы бойынша қанатқақты жобаны жүзеге асыру туралы меморандумға қол қойды, деп хабарлайды Rail-news.kz.
Өзара түсіністік туралы меморандумға қол қою рәсіміне «Жолаушылар тасымалы» АҚ Басқарма төрағасы Жәнібек Тайжанов пен Halyk bank басқарма төрағасының орынбасары Нариман Мұқышев қатысты.
Жоба мақсаты – жолаушыларға «есіктен есікке дейін» саяхатты қамтамасыз ететін, түрлі көлік түрлерін бір жүйеге біріктіретін бірыңғай интермодалды платформа құру. Мұндай қызмет жолаушыларға бірыңғай бағдар түбіртегін қолдана отырып және бір бағдар шеңберінде автобус, әуе және теміржол көліктеріне жол жүру құжатын рәсімдеуге мүмкіндік береді. Бұл көліктің әр түрлерінің арасын ыңғайлы түйістіру жолдарын іздеу және таңдауда уақытты айтарлықтай қысқартып, Қазақстан қалалары арқылы саяхаттау мүмкіндіктерін арттыруға септік етеді.
Екі тарап та бұл жобаның болашағынан зор үміт күтіп отыр. Себебі нарықта көліктің бірнеше түрлерінің қолайлы түйісуін және қосымша сервисті қамтамасыз етуге қабілетті республикалық ауқымдағы мұндай біріктірілген жобалар жоқ.