Темір жолдағы профилактикалық жұмыстар күшейтілді
ҚТЖ-да тұрақты негізде тұрғындармен ақпараттық-ағарту іс-шаралары өткізіліп келеді. Оқу орындары мен мектептерде "Темір жол - қауіптілігі жоғары аймақ!» тақырыбында дәрістер, әңгімелесулер ұйымдастырыоып, бейнероликтер көрсетіліп келеді, деп хабарлайды Rail-news.kz.
2025 жылдың қаңтар-ақпан айларында теміржол арқылы қауіпсіз өту ережелеріне арналған станциялар мен мектептерде 257 жиналыс өткізілді. Оларға 14 мыңнан астам адам қатысты.
Бұдан басқа, ай сайын темір жолдар арқылы өтуге рұқсат етілмеген орындарында ІІЖБ қызметкерлерімен бірлескен рейдтер жүргізіледі. Жыл басынан бері 78 рейд жүргізілді, оның барысында 6 әкімшілік айыппұл салынды.
Оқиғаларды талдау көрсеткендей, адамдарды басудың барлық жағдайлары олардың абайламауымен байланысты. Негізгі себептер - белгіленбеген жерлерде темір жолдан өту, назар аудармау және мас болу.
Соңғы уақытта жармасу жағдайлары жиілеп кетті – жасөспірімдер жүк және жолаушылар вагондарына жармасып, біраз жерге дейін жетіп алуға тырысады.
Бұл ауыр жарақатқа әкелуі мүмкін өте қауіпті әрекет.
ҚТЖ азаматтарды темір жолдағы қауіпсіздік ережелерін қатаң сақтауға шақырады.