ALT университетінде ҚТЖ басшыларына арналған «Үздіктер алаңы» бағдарламасы басталды
«М. Тынышбаев атындағы ALT Университеті» АҚ-да «Қазақстан темір жолы» ҰК» АҚ – «Магистральдық желі дирекциясы» филиалының белгі беру және байланыс дистанцияларының басшылары үшін «Үздіктер алаңы» корпоративтік даму бағдарламасы басталды, деп хабарлайды Rail-news.kz.
Оқытудың ресми ашылуында «ҚТЖ» ҰК» АҚ – «Магистральдық желі дирекциясы» филиалының пайдалану жөніндегі атқарушы директоры Арман Бубиқанов құттықтау сөз сөйлеп, қазіргі заманғы сын-тегеуріндер жағдайында біліктілікті үнемі арттыру мен басқару құзыреттерін дамытудың маңыздылығын атап өтті.
ALT университетінің ректоры Меруерт Жармағамбетова университеттің профессор-оқытушылар құрамының түлектердің негізгі жұмыс берушісімен, ҚТЖ тұлғасындағы стратегиялық әріптесімен ынтымақтастығы теміржол саласы үшін мамандар даярлау сапасын арттыруға бағытталғанын атап өтті.
Бес күндік қанықты бағдарлама бекітіліп, оның шеңберінде 36 белгі беру және байланыс дистанциясы басшылары өздерінің жеке-іскерлік құзыреттерін арттыратын, сапалы келіссөздер мен кері байланыс сырларын айқындайтын, АТ қолданумен жұмыс істеуге машықтанатын, университеттің 4 курс оқушыларымен форсайт сессиясына қатысатын, қонақ дәрістер өткізетін, ағаш отырғызуға қатысатын болады.
Рекрутинг, еңбекақы төлеу, материалдық-техникалық қамтамасыз ету, ішкі регламенттер және шұғыл шешуді талап ететін басқа да мәселелер бойынша ашық диалогтар өтетін «кешкі кездесулердің» тиімділігін атап өткен жөн.
ALT университеттің студенттері Компанияның құрылымы туралы, дуальды оқытудағы жаңа тәсілдер туралы көбірек білуге, белгі беру және байланыс дистанциясындағы жұмыс туралы алғашқы ақпараттарды алуға мүмкіндік алды.
Компания басшылығы өз қызметкерлерін дамытуға және оқытуға үнемі назар аударады, құзыреттілікті арттыру олардың жеке өсуіне ғана емес, сонымен қатар тиімділігін арттыруға әсер етеді және қауіпсіздіктің бұзылуын азайтуға ықпал етеді.