«Қазтеміржолкәсіп» ҚБ төрағасы теміржолшыларды Тәуелсіздік күнімен құттықтады
«Қазтеміржолкәсіп» ҚБ төрағасы Оразғали Ахметбаев теміржолшыларды Тәуелсіздік күнімен құттықтады, деп хабарлайды Rail-news.kz.
«Құрметті теміржол саласының қызметкерлері мен ардагерлері!
Сіздерді ұлтымыздың ұлық мерекесі – Қазақстан Республикасының Тәуелсіздік күнімен шын жүректен құттықтаймын! Бұл күн – ата-бабамыздың асыл арманы орындалған, халқымызға еркіндік сыйлаған Ұлы күн. Бүгінде еліміздегі бейбітшілік пен тұрақтылықтың арқасында болашағымыз жарқын. Егемендіктің алғашқы сәттерінен бастап Отанымызды өркендетуге, елдігімізді нығайтуға зор үлес қосқан барша теміржолшылар мен сала ардагерлеріне шынайы алғысымды білдіремін. Осы қасиетті күні сіздерге амандық, бақ-береке, мол ырыс тілеймін. Қазақстанның тұрақты дамуы жолындағы теміржолшылардың еңбегі табысты, бастамаларыңыз сәтті болсын! Тәуелсіздігіміз мәңгілік болғай!», - делінген құттықтауда.