Шымкент қаласының теміржол вокзалындағы басты сағаты жөнделеді
Шымкент қаласы бойынша меншікті тілшісі
Кез келген теміржол вокзалының символына айналған сағат бар. Яғни, қай вокзалға тоқтасаңыз да онда ең бірінші уақытты көрсетіп тұратын атрибут – үлкен сағат тұрады. Әрі-бері сабылған жолаушылардың уақытты саралауына бағыт-бағдар. Соңғы кездері тұрғындар тарапынан Шымкент теміржолы вокзалындағы сағат тілінің бұралмай, уақыттан қалып қоя беретіндігі туралы шағымдар түскен болатын. Осыған байланысты Шымкент қаласының теміржол вокзалындағы қаланың басты сағаты жөндеуден өткізіледі деп шешілді. Жөндеу жұмыстары кезінде сағаттың бетіне қаланың логотипі қойылады. Нәтижесінде, Шымкентке пойызбен келген жолаушы вокзалдан шыққан кезде сағат тілімен қоса қаланың маңызды элементін де көретін болады. Айта кетейік, қаланың басты сағаты соңғы рет 2012 жылы жөндеуден өткен екен. Қазіргі таңда сағат механизмін жөндеу жұмыстары жоспарлануда.