Жолаушы тасымалы: сұраныс – сапалы қызмет

Қосұйым Мұқашев

Атырау облысы бойынша меншікті тілші

Жаз мезгілінде жолаушылар нөпірі көп болатыны белгілі. Соған орай тасымалдау ісінде вагондар жеткілікті болып, жолаушыларды діттеген жеріне жайлы және уақытылы жеткізу бірінші кезектегі міндетке айналады.

 «Жолаушылар тасымалы» АҚ Атырау телімінің бастығы Ә.Есқалиевтің айтуынша, өңірден құрамдалатын бағыттарда вагондар саны жеткілікті, персонал сервистік қызметке, қысқасы, жазғы тасымалға сақадай сай .

Телім бастығы Атырау-Астана бағытында екі құрама жүретінін, оның ішінде 11 купе-плацкарт және 11 «фирмалық» статусы бар вагонға тағы 4 вагон қосылып отырғанын жеткізді. Сол секілді, №№41-42 Атырау-Алматы бағытында 3 құрама бар екен, негізгі жүретін 15 вагон болса, оған тағы 4 вагон қосылып, орын саны 802-ден 870-ке жеткен. «Тальгода» 12 плацкарт, 7 купе бар. Атырау-Астрахань бағытында бүгінгі күні 4 вагон жүрсе, АтырауМаңғыстау бағытында қазіргі уақытта 10 вагоннан 3 құрама күн сайын жүріп тұр.

«Вагон-Сервис» мекемесі Атырау телімінің басшысы Қайрош Қаржаубаевтан білгеніміздей, бұл вагондар саны сұранысқа қарай өзгеріп, деполық не күрделі жөндеуден келген вагондармен толықтырылып отырады. Бүгінгі күнге тағы 63 вагон жөндеуден өтуде. Ал жолсеріктер бригадасынан қай бағытта да сапалы қызмет көрсету талап етіледі. Соның ішінде күнара Астанаға қатынайтын «фирмалық» статусы бар №47-48 «Каспий» жолаушылар пойызының Өтегенов Ильяс басқаратын бригадасы үздіктер қатарында.

Елордаға пойыз бар болғаны күн жарымда жетіп барады. Және қазір жаздың уақыты болған соң, қосымша вагондар қосылып жатыр. Яғни, пойыз бригадасының жауапкершілігі де артады. «Жолаушы тасымалы жанданатын жаз маусымы басталды. Нағыз қарбалас шақ, жолаушылар ығы-жығы, әрқайсысының бабын табу оңайға соқпайды. Вагонның санитарлық жағдайын ғана емес, жолаушылардың тыныштығымен қатар денсаулығын да қадағалаймыз. Егер қатты ауырып келе жатқан болса, «жедел жәрдем» шақырып, медициналық көмек алуына жағдай жасаймыз. Вагондар қосылғасын қазір бригада құрамының саны да артты, бригадамыз 27 адамға дейін көбейді. Үздік бригада атану үшін жолаушы халық тарапынан бірде-бір шағым естімей, мінсіз жұмыс үлгісін көрсету керек. Ол мүмкін бе? Білмеймін. Бірақ біз қолдан келгенше халық сұранысына сай сапалы қызмет ұсынуға тырысамыз», – дейді жақсы атымен танылған бригада бастығы Ильяс Өтегенов. 

Жаңалықтар
19.07.2024
Жаңа – Есіл локомотив депосының паркі жаңартылды
Жаңалықтар
19.07.2024
Мемлекеттік тілді дамыту бойынша өткен байқаудың жеңімпаздары анықталды
Станция тынысы
19.07.2024
Шағыр станциясында жүк тиеп жөнелту артып келеді
Аймақтар
19.07.2024
«Жасыл істер марафонында» Жамбыл бөлімшесі бірінші орынды жеңіп алды
Жүк тасымалы
19.07.2024
Биыл Қытайға 2 млн тоннадан астам астық экспортталмақ
Сұхбат
19.07.2024
Барлық сын-тегеурінге төтеп бердік
Инфрақұрылым
19.07.2024
11 мың шақырым теміржол жөндеуден өтеді
Жаңалықтар / Мұрағат
19.07.2024
«Қазақстан теміржолшысы» газеті, №59 19 шілде 2024 жыл
Қауіпсіздік
18.07.2024
Темір жолдағы химиялық апаттарды жою бойынша оқу-жаттығу өтті
Әлеумет
18.07.2024
50 бала лагерьге аттанды
Қауіпсіздік
18.07.2024
Жанып келе жатқан жолаушылар пойызы сөндірілді
ҚТЖ келбеті
18.07.2024
Велосаяхатшы сапарға шықты
Жүк тасымалы
18.07.2024
Қазақстанда теміржол көлігімен тасымалданатын шикізаттық емес экспорт көлемі артты
Жаңалықтар
18.07.2024
Биыл темір жол арқылы 757 мың тонна астық жөнелтілді
Инфрақұрылым
18.07.2024
Елімізде 2030 жылға дейін 180-нен астам теміржол станциясы жаңғыртылады
ҚТЖ келбеті
17.07.2024
Жаңақорғаннан – Түркісібке дейін...
Жүк тасымалы
17.07.2024
ТХКБ арқылы Қытай мен Еуропа арасындағы контейнерлік тасымал көлемі 12,8%-ға өсті
Жаңалықтар
17.07.2024
Үкімет Wabtec компаниясымен «жасыл» локомотивтер шығару жоспарын талқылады
Жолаушылар тасымалы
17.07.2024
Вокзалдарда «Күту парағы» қызметі бойынша кеңестер өткізіледі
Қауіпсіздік
17.07.2024
Теміржол бойында жайылатын малдың мойнына жарыққа шағылысатын лента тағылып жатыр