Аса станциясы арқылы шетел асады

Фоторепортаждар
28.09.2020, 20:13
Асхат Райқұл

«Қазфосфат» ЖШС – Жамбыл облысының бренді. Жамбыл жаңа фосфор зауыты – осы компанияның Жамбыл ауданының территориясында орналасқан филиалы. Онда өндірілген химиялық тауарлар, фосфор, сары фосфор өнімдері, гипс, шлаг сынды құрғақ құрылыс қоспалары Аса станциясы арқылы Қазақстанның және әлемнің түкпір-түкпіріне жол тартады.

«Әлемнің» деп ауыз толтырып айтып отырғанымыздың да жөні бар. Өйткені, Аса станциясының аумағында тиелген сары фосфор Ресей, Германия, Дания, АҚШ, Швеция, Жапония, Италия сынды алпауыт мемлекеттерге бағыт алады екен. Станция бастығы Нұрлан Қазбековтің айтуынша, гипс пен шлагтің дені Алматы қаласындағы ірі кәсіпорындарға жеткізіледі. 

– Жүк айналымының қарқыны жаман емес, ай сайын 2500 вагонға дейін жүк тиейтін болсақ, қабылдап алатынымыз 2800-2900 вагонға жуықтайды. Мұның ішінде көмір тасымалы, өзге де жеке кәсіпкерлердің тауарлары бар. Әлем елдеріне тараған, Қазақстанды да айналып өтпеген қауіпті індетке байланысты жарияланған төтенше жағдай, карантин режимі кезінде жүк тасымалы айналымы біршама түскен болатын. Қазір қайта бұрынғы жұмыс ырғағымызға түсіп, өнімділігімізді арттырып келеміз, – дейді станция басшысы. 

Аса бекеті қысқа әзірлік шараларының 90 пайызын орындап қойыпты. 

Станцияда отызға тарта адам еңбек етеді. Теміржолдардың қауіпсіздігі, техникалық жағдайы, қазандықтардың ахуалы толық дайындықтан өткізіліп, теміржолшылардың арнайы киімі беріліп жатыр екен. Станция ғимаратына жыл сайын орташа деңгейде жөндеу жұмыстары жүргізіледі екен. Биыл да кем-кетігі бүтінделіп, есік-терезелері қымталып, өзге де олқылықтар түзелген. Қызметкерлердің жұмыс істеуіне барлық жағдай жасалған. 

Станциядан Тараз-Қаратау, ТаразЖаңатас бағыттарындағы қаламаңы пойыздары өтеді. Теміржолшылардың дені – жергілікті азаматтар, осы станцияда алды отыз жыл, арты бес-он жылдан бері еңбек етіп келе жатқан тәжірибелі мамандар. Ұжымда екі бірдей Құрметті теміржолшы еңбек етеді. Олар – жүк қабылдаушы Күлшат Досалиева мен пойыз құрастырушы Әділ Жамалбеков.

– Жастар оларға қарап бой түзейді. Жалпы, шағын ұжымымыз өте тату. Жақында қырық жылдан бері осы станцияда кезекші болып қызмет ететін әріптесіміз Ұрысбек Жамалбеков алпыс жасқа толды. Өмірін болат жолдың бойымен байланыстырып келе жатқан ағамыздың мол тәжірибесі, өнегесі жас мамандарымызға үлгі. Сондықтан да ол кісіге лайықты құрмет көрсетіп, жас теміржолшылармен кездестірдік.

Әңгімесін айтты, еңбек жолындағы есте қалған оқиғаларынан сыр шертті, бұл да жастарға үлкен сабақ, – деген Нұрлан Әзизұлы жас әріптестері жайында да жақсы лебіз білдірді.

Айтса айтқандай, Асаның жастары барлық ақцияларға бір кісідей асталысады екен. Жүк қабылдаушы Аина Несіпбаева Жамбыл теміржол саласының қоғамдық өміріне белсене араласады.

Ол өзінің командасымен жақында ғана Жеңістің 75 жылдық мерейтойына орай ұйымдастырылған акция аясында Аса ауылындағы соғыс және еңбек ардагерлерінің үйлерін аралап, қажет жұмыстарын тындырып беріп, азықтүлік себеттерін тапсырған. «Біз үшін үлкен кісілердің алғысын алғаннан артық ештеңе жоқ» дейді Асаның жас буыны. 

Жаңалықтар
10.09.2025
Кәсіподақтың XI съезі өтті
Жүк тасымалы
10.09.2025
Қазақстан Вьетнамға бидайды тікелей контейнер ауыстырмай жеткізді
Жолаушылар тасымалы
10.09.2025
ҚТЖ «Voice Beyond Horizon» музыкалық реалити-шоуына арнап пойыз жасақтады
Аймақтар
10.09.2025
Қызылорда теміржолшылары – мемлекеттік тілдің үздік жанашыры
Жүк тасымалы / Инфографика
10.09.2025
8 айда теміржол көлігімен жүк тасымалы 4% өсті
Әлемде
10.09.2025
Мексикада жүк пойызы автобуспен соқтығысты: 10 адам қаза тауып, 60-тан астамы жараланды
Инфрақұрылым
09.09.2025
Инфрақұрылымды жаңғырту – уақыт талабы
Инфрақұрылым
09.09.2025
Арыс көпірі қайта түледі
Қауіпсіздік
09.09.2025
Қауіпті аймақта қатаң тәртіп керек
Қауіпсіздік
09.09.2025
Жолда жүру ережесі түсіндірілді
Аймақтар
09.09.2025
Вокзалдағы қондырғылар ауыстырылды
Аймақтар
09.09.2025
Тазалық – баршаға ортақ міндет
Әлеумет
09.09.2025
Осы жазда Қазкөліккәсіп теміржолшылардың 250 баласына мереке сыйлады
Әлеумет
09.09.2025
Бейнеуліктердің игі бастамасы
Жаңалықтар / Мұрағат
09.09.2025
Қазақстан теміржолшысы газеті, №73 09 қыркүйек 2025 жыл
Жолаушылар тасымалы
08.09.2025
2030 жылға дейін жолаушылар вагондары паркі толық жаңартылады
Жаңалықтар
08.09.2025
Мемлекет басшысы: Әлемде транзит үшін бәсеке күшейіп бара жатыр
Жаңалықтар
08.09.2025
Мемлекеттік тіл – достық тірегі
Аймақтар
08.09.2025
Жосалы–Түркістан телімінде жоспарлы жол күтімі жүргізілуде
Жаңалықтар
07.09.2025
Көшпелі комиссия 125 вокзалдағы жөндеу жұмыстарын тексерді