Өткелге бейнебақылау камерасы орнатылды

Аймақтар
21.01.2025, 08:57
Суретті түсірген автор
Нұрлыбек Досыбай

Түркістан облысы бойынша меншікті тілші

Шымкент қаласындағы «Азат» ықшам ауданында орналасқан өткел ел аузында «Бакалейторг» деген атауға ие. Ал теміржолшылар үшін бұл «3294 шақырымның 9-пикетіндегі күзетпелі бақылау бекеті» аталады.

Қалалық ішкі істер департаментінің өкілдері өткен жылы өткелдің екі тұсындағы бағана басына 2 бейнебақылау камерасын орнатқан. Қазір оның игілігін осы теміржолшылар мен өткел кезекшілері де көріп келеді.  

Өйткені өткел кезекшісі Берік Жұматовтың айтуынша, камера қауіпсіздік көрсеткішін күрт жақсартқан. Бүгінгі таңда бұл маңдағы теміржол мен автокөлік жолының түйіскен тұсынан тәулігіне 8 мыңға жуық көлік пен 58- 60 пойыз өтеді. Миллионнан астам тұрғыны бар қала үшін бұл үлкен көрсеткіш емес. Өйткені 4-5 жыл бұрын сала мамандары кеңесе келе өткелден өтетін тәуліктік көлік ағынын нақтылау мақсатында өз беттерінше санақ жүргізіпті. Сол кездегі санақ 48-50 мыңға жуықтаған көрінеді. Қалалық полиция департаментінің дерегінше, Шымкентте бұл күнде 463 мың автокөлік тіркелген. Бұл дегеніміз, қаладағы әрбір 8 немесе 9-шы көлік осы өткелден өтеді деген сөз. Демек, алып шаһардың тыныс-тіршілігінде тақырыпқа тұздық болып отырған өткелдің қаншалықты маңызды екендігі айтпаса да түсінікті болса керек...  

Сондықтан да өткелдің өзектілігін ескерген қала әкімдігі мен жергілікті теміржол ұйымының жетекшілері тоғыз жолдың торабы түйіскен тұсқа арнайы аспалы көпір салу қажет деп шешім қабылдаған. Қазіргі кезде құрылыс жұмыстары қолға алынып, электр және құбыр желілерін монтаждау жұмыстары жүргізілуде. Сәтін салса, келер жылдың соңына дейін көпір толыққанды пайдалануға беріледі деп жоспарланып отыр.  

Негізінен, нормативтік құжатта бекітілген талап бойынша өткелдің екі шетіндегі автокөлік жолы кем дегенде 100 метрден әрі қарай салынуы тиіс. Алайда, бұл аумақта тұрғын үйлер тығыз орналасқандықтан, жоғарыда аталған талапқа сай жобаны жүзеге асыру мүмкін емес. Ал өткелдің екі жағындағы автокөлік жолы темір жолға қарға адым жерде жатыр. Сол көшеден шыққан көліктер өткелді кесіп өту үшін кілт бұрылып қозғалыстың қауіпсіздік қағидасын мүлдем сақтамайтыны бар. Сондықтан да ертеректе полиция өкілдері осы қауіпті жол учаскесіне қозғалысты реттейтін арнайы белгілер орнатқан. Оған қосымша, бұл маңда таңнан кешке дейін тұрып, қауіпсіздікті қатаң қадағалаған.  

– Кейіннен ол тиімсіз болған шығар, өткен жылдан бастап жолдың қос қапталына бейнебақылау камерасын орнатты. Содан соң жол ережесін өрескел бұзатын жүргізушілер саны да күрт төмендеді, – дейді 2017 жылдан бері аталған нысанда еңбек етіп келе жатқан өткел кезекшісі Берік Жұматов.  

Айта кетейік, бүгінгі таңда Шымкент қаласының аумағына кіретін күзетпелі 3 теміржол өткелі бар болса, жуырда соның екеуіне жөндеу жұмыстары жүргізілді. Шымкент жол дистанциясы ұжымының ұйымдастыруымен Еңбекші ауданы аумағындағы Тіленшин және Момынов көшесіндегі күзетпелі өткелдердің рельс-шпалы мен астындағы қиыршық тасы толық жаңартылды.  

 

ҚТЖ келбеті
15.02.2025
Он сегізде от кешкен...
Жаңалықтар
14.02.2025
Ақтауда қызметкерлердің әл-ауқатын арттыру және еңбек жағдайларын жақсарту мәселесі қаралды
Жаңалықтар
14.02.2025
Астанада өткен фестивальде теміржол мамандығы жастарды қызықтырды
Қауіпсіздік
14.02.2025
Өткелде әйел мерт болды
Аймақтар
14.02.2025
Үздіктер қатарында
Жаңалықтар / Мұрағат
14.02.2025
Қазақстан теміржолшысы газеті, №11 14 ақпан 2025 жыл
Жаңалықтар
13.02.2025
ЭКСПО орталығында «Жұмысшы мамандықтар қаласы» фестивалі өтуде
Қауіпсіздік
13.02.2025
Профилактиканың пайдасы зор
Жаңалықтар
13.02.2025
Тіл секторының жұмысы қорытындыланды
Инфрақұрылым
13.02.2025
Семей теміржолында инфрақұрылым жаңаруда
Аймақтар
13.02.2025
Ғасырдан астам уақыт жұмыс істеп келе жатқан депо
Жаңалықтар
12.02.2025
ҚТЖ Пәкістанның көлік-логистикалық компанияларымен ынтымақтастықты нығайтады
Әлемде
12.02.2025
ҚХР-дан Ауғанстанға шыққан пойыз Қазақстан арқылы барады
Аймақтар
12.02.2025
Жұмыс сапасы балдық жүйемен бағаланады
Жаңалықтар
12.02.2025
Қазақстан мен Болгария Транскаспий дәлізі бойынша ынтымақтастықты дамытуда
Жаңалықтар
12.02.2025
Пойызда мас жолаушы полицейлерге қарсылық танытты
Жаңалықтар
12.02.2025
Теміржолшылар көктемге дайындалуда
Әлемде
11.02.2025
Қомақты ақша ұтып алған азамат Канаданы пойызбен аралап шықпақ
Жүк тасымалы
11.02.2025
Достықтан Алтынкөл станциясына дейін вагон тасымалдаудағы шектеулер ұзартылды
Жүк тасымалы
11.02.2025
Қаңтар айында ҚТЖ желісінде тиеу көлемі 7,3%-ке өсті