Теміржолшылардың әлеуметтік-тұрмыстық жағдайын жақсартуға 270 млн теңгеден астам қаржы бағытталды

«ҚТЖ-Жүк тасымалы» ЖШС-де әлеуметтік-тұрмыстық жағдайды жақсарту және еңбекті ұйымдастыру деңгейін арттыру бойынша бағдарлама жүзеге асырылуда.  

Ол жол бөлімшелерінің, локомотив және вагон деполарының, станциялардың ғимараттарында орналасқан 264 санитариялық-тұрмыстық үй-жайларды ағымдағы жөндеу бойынша 32 жобаны қамтиды. Бұған 270 млн теңгеден астам қаражат бағытталды.

Ақмола жүк тасымалдау бөлімшесі Атбасар депосының әкімшілік ғимаратын ағымдағы жөндеу аяқталуға жақын. Бұл ретте Ақтөбе бөлімшесінің әкімшілік ғимаратына ағымдағы жөндеу мерзімінен бұрын орындалды. Барлық бөлімшелердің үй-жайларын жөндеу СЭС және өрт қауіпсіздігі талаптарына сәйкес жүргізілуде.