Семейде Дүниежүзілік еңбекті қорғау күніне орай маңызды жобалар қолға алынды

Әлеумет
28.04.2023, 11:36
Суреттерді түсірген автор
Қуаныш Қожаев

Абай облысы бойынша меншікті тілші

Семей ЖТ бөлімшесі бойынша Дүниежүзілік еңбекті қорғау күніне орай бірқатар маңызды іс-шаралар өткізілуде. Солардың алдыңғы қатарында «Еңбек адамы» партиялық жобасы аясындағы жұмыстардың бастау алуы болып отыр.

Бұл бағыттағы алғашқы шара жуырда салалық кәсіподақ ұйымы мен «Аманат» партиясы бастауыш ұйымының ұйытқы болуымен жергілікті Семей вагон пайдалану депосында өтті. Басқосуға вагон шаруашылығының ардагерлері, депо басшылығы, партия және кәсіподақ белсенділері мен жас буын қызметкерлер қатысты.  

Жиын беташарында сөз алған бөлімше кәсіподақ ұйымының төрағасы, вагон шаруашылығында ұзақ жылдар бойы еңбек еткен Құрметті теміржолшы Алик Досанов барша қауымды алдағы келе жатқан Еңбекті қорғау күнімен құттықтап өтіп, Семей теміржолшылары арасында атқарылып жатқан маңызды шаралар қатарына тоқталып өтті. Соның ішінде салалық кәсіподақ ұйымының ұйытқы болуымен жүзеге асырылған жұмыстар жайлы кеңінен сөз қозғады.  

Вагон депосының бастығы Ерзат Хасенов пен кәсіподақ төрағасы Ертай Темірбеков те сөз алып пікір білдірді.

– Мұндай кездесулердің әсіресе жас мамандар үшін берері мол болмақ. Себебі, аға буын еңбеккерлердің ерлікке пара-пар кешегі еңбек жолы баршаға үлгі. Еңбек адамын қалыптастыру жолында олардың атқарған еңбегі өлшеусіз, – деді өз сөзінде депо басшысы.  

Ардагерлер қауымы да сөз алып, кешегі күндерден жарқын естеліктерімен бөлісіп, вагон шаруашылығының қыр-сыры жайында тереңнен сөз қозғады. Байырғы Түрксіб теміржолында алдыңғы сапта жүрген олар өндіріс пен қозғалыс қауіпсіздігін сақтауда зор абыройға бөленген жандар. Соның дәлелі болар, депо қызмет көрсететін желі бойында вагоншылар арасынан шыққан Құрметті теміржолшылар қатары жолшылар мен байланысшыларға қарағанда әлдеқайда артық.

– Мемлекет басшысы соңғы жолдауында «Еңбек адамы – қоғамдағы ең сыйлы адам болуы керек» деді. Семей теміржолында «Еңбек адамына» құрмет көрсетудің өзіндік жөн-жоралғысы, ізгі дәстүрі қалыптасқан. Осы жоба аясындағы шаралар бөлімше көлемі бойынша алдағы уақыттарда да жалғасатын болады. Бұл жолғы шара Дүниежүзілік Еңбекті қорғау күнімен сабақтаса өткізіліп отыр, – дейді бөлімше бойынша бастауыш партия ұйымының төрайымы Айгүл Берікболова.

Басқосу барысында сонымен қатар ВЧД-23 мекемесі бойынша бастауыш ардагерлер ұйымының төрағасы да сайланды. Жиынға қатысушы көпшіліктің бірауыздан дауыс беруі арқылы бұл орынға Сергей Харитонов тағайындалды. Ендігі аралықта өмірін вагон шаруашылығына арнаған, 42 жыл еңбек өтілі бар қазыналы қария Сергей Иванович ардагерлер қауымын бастап мекемедегі идеологиялық іс-шараларға белсене атсалысатын болады.  

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті