Ардагер теміржолшы мұқтаж отбасыға баспана сыйлады

Әлеумет
02.04.2024, 13:02
Суретті түсірген автор
Ардақ Ерубаева

Ақтөбе облысы бойынша меншікті тілші

Шалқарлық ардагер теміржолшы Аманғазы Бақтыбаев қасиетті рамазан айында көпке үлгі боларлық сауапты іс жасады. Станцияда өткен Наурыз мерекесі күні ол мұқтаж отбасыға тұрғын үйдің кілтін тарту етті.

Баспаналы болған екінші топ мүгедегі Сейітбай Жұмағалиевтің отбасында бес бала бар. Келіншегі қоғамдық жұмыста көше сыпырады. Балаларының кішісі мектеп жасында. Олар осыған дейін аудандағы бұрын теміржолшылар интернаты болған ғимаратты паналаған. Интернат жабылғанда аудандағы тұрмысы төмен отбасыларға баспана ретінде берілген еді. Бір бөлмеден бөліп алып, оған біраз отбасы кірді. Интернат үй күтім жасалмағандықтан әбден ескірді. Қазір ол жерде тұрмысы төмен үш-төрт отбасы ғана тұрады. Тұрмысқа қолайлы жағдай, жылу жоқ.  

Мерекеде үш бөлмелі пәтердің кілтін алған отбасының қуанышында шек жоқ, қайырымды жанға алғыстарын жаудыруда. Ал бір отбасын қуантқан ардагер теміржолшы туралы айтар болсақ, Аманғазы Бақтыбаев 46 жыл теміржолда тер төккен. Оның 20 жылында Шалқар белгі беру дистанциясын басқарды. «Құрмет» орденімен марапатталған. Құрметті теміржолшы, «Үздік басшы» атағын алған. 2018 жылы зейнетке шықса да қоғамдық жұмыстан қол үзбеген ардагер қайырымдылықпен тұрақты айналысады.  

«Шалқар – теміржолшылар қаласы. Мұнда кімге көмектессең де теміржолшының отбасына қуаныш сыйлайсың. Рамазан айында, Наурыз мерекесінде отбасымыздың атынан сауапты іс жасауды жөн көрдік. Балам мен келінім осы бір мұқтаж отбасыға баспана сыйлайық деп ой тастады. Аналары да қолдады. Осылай аудан орталығынан баспана іздедік. Аудандық әкімдікке ұсыныс түсірдік. Мұқтаж отбасына баспана сыйлау ниетімізді айттық. Әкімдікпен алатын үйді көрдік. Кімге беретініне араласқан жоқпыз. Себебі нағыз мұқтаж отбасыны бізден гөрі әкімдік жақсырақ біледі. Солардың таңдауымен келістік», – деді ардагер теміржолшы Аманғазы Бақтыбаев.  

Теміржолшы 20 жылдан бері «Аманат» партиясының мүшесі. Қызметте жүрген кезінде екі президенттің де сенімді өкілі болған. Ауданға беделді, ел-жұртқа абыройлы азаматтардың бірі. Екі ұл, екі қыз тәрбиелеп өсірген. Бәрі де теміржолдың әр түрлі саласында еңбек етіп жүр. Өзі зейнетке шыққаннан кейін зайыбымен бірге жеке балабақша ашып, жұмысын дөңгелетіп отыр.  

 

Жаңалықтар
19.04.2024
“БКЛК” АҚ серіктестігі: ынтымақтастықты нығайту, теміржол логистикасын дамыту
Аймақтар
19.04.2024
Маңғыстау вокзалы үлкеюі мүмкін
Жаңалықтар
19.04.2024
ҚТЖ өкілдері ТЖЫҰ басқарушы органының отырысына қатысты
Жаңалықтар
19.04.2024
Қазақстан мен Түркия аралас жүк тасымалын дамыту жөніндегі бірлескен комитет құрады
Аймақтар
19.04.2024
Маңғыстаулық өрт сөндіру пойызы дайындықтарын пысықтады
Әлеумет
19.04.2024
Су тасқынынан зардап шеккен теміржолшылар отбасы назардан тыс қалмайды
Жаңалықтар
19.04.2024
Теміржолшылар мемлекеттік тілден тест тапсыруда
ҚТЖ келбеті
19.04.2024
Мемлекеттік тілге деген сұраныс артып келеді – тренер
Инфрақұрылым
19.04.2024
Қызылордада бағыттамалы бұрма ауыстырылды
Жүк тасымалы
19.04.2024
Елімізде тасымалды контейнерлендіру бағдарламасы әзірленіп жатыр
Аймақтар
19.04.2024
Атырау облысында су тасқынымен күрес жалғасып жатыр
Жаңалықтар / Мұрағат
19.04.2024
«Қазақстан теміржолшысы» газеті, №34 19 сәуір 2024 жыл
Цифрландыру
18.04.2024
Көлік министрлігі мен ҚТЖ цифрлық теміржол платформасын құрмақ
Жаңалықтар
18.04.2024
ҚТЖ Алматы-Атырау бағыты бойынша қосымша пойыз тағайындады
Жаңалықтар
17.04.2024
"Самұрық-Қазына" тобы су тасқынына қарсы күреске 15 млрд теңге бөледі
Әлемде
17.04.2024
Alstom Венгриядағы зауытын модернизацияламақ
Инфрақұрылым
17.04.2024
Теміржолда жоспарлы тексеру жүріп жатыр
Әлемде
17.04.2024
Локомотивтер эволюциясы: паровоз алыптарынан қазіргі жүрдек пойыздарға дейін
Жүк тасымалы
17.04.2024
Теміржол көлігімен жүк тасымалдау көлемі 70,7 млн тоннаны құрады
Жүк тасымалы
17.04.2024
ҚХР-ға теміржол арқылы жүк экспорты өсті