Жаз қызығы жалғасуда
Атырау облысы бойынша меншікті тілші
Балалар үшін үш ай каникулдың соңғы айы да өтіп жатыр. Жергілікті кәсіподақтар балалардың жазғы демалысын ұйымдастыруда барынша көп қамтуға тырысуда.
өлімшесіне қарасты мекемелер қызметкерлерінің 109 баласы 30 шілде күні пойызбен көздің жауын алатын әдемі өлке Көкшетаудағы «Сұңқар» лагеріне аттанды.
Сонымен қатар 150 бала 2 тамызда Ақтөбедегі «Әсем» сауықтыру орталығына, ал 90 бала Бурабайдағы «Лесная сказка» лагеріне сапар шекті. Олар лагерьде 10 күн демалып, жаз қызығын өткізіп қайтты.
Балалардың жасы 7-14 жас аралығын қамтиды. Арасында көпбалалы және аз қамтылған отбасылардан шыққан балалар, 3,4,5-дәрежелі шағын разъездерде тұратын теміржолшы балалары да бар.
«Ата-аналар балаларын үлкен қуанышпен лагерьге жіберетіні рас. Бұл жерде балалар көңілді, қызықты уақыт өткізеді. Әр күнге жоспарланған қызықты мерекелік іс-шаралар әзірленіп, спорттық, басқа да ойындар, түрлі экскурсиялар, байқаулар өтеді. Балалар үшін бұл шынымен де жайдары жаз уақытындағы жайлы демалыс болғанын қалаймыз», – дейді Атырау магистральдық желі бөлімшесі персоналды басқару бөлімінің бастығы Анар Жалғасбаева.