ҚТЖ командасы топ жарды
«Қазақстан теміржолшысы» газетінің тілшісі
«Самұрық Қазына» АҚ сатып алу саласы қызметкерлері арасында футзал бойынша әуесқойлар турнирі өтті. Он команда қатысқан жарыста «ҚТЖ» командасы 1-орын алды.
«ҚТЖ» командасының капитаны, компанияның көпфункционалды қызмет көрсету орталығы сатып алу жөніндегі департаменттің бөлім бастығы Батырхан Қалижанұлының айтуынша, теміржолдағы сатып алу саласы қызметкерлерінен құралған команда Самұрық Қазынаға кіретін барлық компания ойыншыларынан басым түскен.
– Әуесқой турнирге қатысқан 10 команда ішінде ҚТЖ-дан басқа Kegoc, QazaqGaz, Қазатомпром, Қазақтелеком, Қазмұнайгаз, Самұрық-Энерго, Тау-кен Самұрық, Эйр Астана, СКК компанияларының ойыншылары болды. Бәрі де сатып алу саласы бойынша мамандар. Біз ең бірінші Қазатомпром командасымен ойнап, ұтылдық. Екінші ойын Қазақтелеком командасымен болды, оны және одан кейінгі командалардың бәрін ұттық. Екінші ойында Эйр Астана командасымен ойнап, оларды да пенальтимен ұтып кеттік, – дейді теміржолшы.
«ҚТЖ» командасы бірінші орын кубогы мен дипломын иеленсе, команда ойыншысы Эльдар Жұманбаев «Үздік қақпашы» аталымы бойынша марапатталды.