«Самұрық-Қазына» АҚ XI Спартакиадасында ҚТЖ алғашқы алтын медалді еншіледі

Теміржолшы жүзушілер «Самұрық-Қазына» АҚ XI Спартакиадасында жүзуден эстафеталық жарыста ҚТЖ қоржынына алғашқы алтын медальді салды, деп хабарлайды Rail-news.kz.

«Қазақстан темір жолы» ҰК» АҚ атынан 4×50 метр еркін стильдегі эстафетада Әнел Жеңісқызы («KTZ Express» АҚ «KTZE Батыс» филиалы Ақтөбе KTZE агенттігінің диспетчері), Татьяна Алимина («ҚТЖ» ҰК» АҚ «Автоматтандыру және цифрландыру дирекциясы» филиалының Аналитика және әзірлеу департаментінің бас менеджері), Константин Лимаренко («KTZ Express» АҚ «KTZE Оңтүстік» филиалы Достық KTZE агенттігінің диспетчері) және Геннадий Гордиенко («Жолаушылар тасымалы» АҚ «Экспресс» филиалы Астана учаскесінің жабдықтаушысы) өнер көрсетті.

Еске сала кетейік –  еліміздің ірі компаниялары қызметкерлері арасындағы жылдың басты спорттық додасы 8-10 тамыз аралығында өтуде. Спартакиада өндірісте еңбек ететін үздік спортшылардың басын қосып, ұжымның бірлігі мен жеңіске деген жігерін паш етуде.