Сенаторлар Құрық портындағы кемелерге қызмет көрсету базасының жұмысына оң баға берді
«Қазақстан теміржолшысы» газетінің тілшісі
ҚР Парламенті Сенатының депутаттары Серікбай Трұмов пен Бақтыбай Шелпеков Құрық портына барып, ондағы жұмыс барысымен танысты. Халық қа лаулылары алдымен аудан әкімді гінде өткен жиынға қатысып, «Құрық – Жетібай» бағытында салынып жатқан республикалық маңызы бар жолдың құрылысын талқылады.
«Құрық порты» ЖШС-нің басшысы Серік Ахметов қадірлі қонақтарды қарсы алып, порт айлағы мен оның аумағында салынып жатқан астық терми налының, кемелерге қызмет көрсету базасының жұмысымен таныстырды, сондай-ақ, алдағы күтілетін нәтижелер туралы айтып берді. Өз кезегінде сенаторлар порт жұмысына оң баға беріп, жұмыстарды сапалы жүргізу және уақытылы аяқтауға қатысты ұсыныс-пікірлерін жеткізді.
Еске сала кетсек, былтыр «ҚТЖ» ҰК» АҚ, «Құрық порты» ЖШС және «Kaspi Grain Way» ЖШС арасында Құрық портында терминал салу бойынша ынтымақтастық туралы келісімге қол қойылған. Бұл – Құрық портын дамыту аясындағы «ҚТЖ» ҰК» АҚ жүзеге асырып жатқан жаңа жоба. 2022 жылы бір мезгілде 25 000 тонна дәнді дақылдарды сақтайтын, қуаты жылына 1 млн тонналық терми налды іске қосу жоспарлануда. Терминал Қазақстан – Иран/ Кавказ елдері бағыты бойынша және одан әрі үшінші елдерге астық экспортының болжамды көлемін ұлғайтуды қамтамасыз етеді. Қол қойылған келісім көлік маршрутының бәсекеге қабілет тілігін көтеруге, жүк ағындарын ұлғайтуға, экспорттық әлеуетті арттыруға және Құрық порты арқылы жүк тасымалдау процесін жетілдіруге ықпал етеді.
Құрық порты Транскаспий халықаралық көлік бағдары негізгі нысандарының бірі болып табылады. Порт арқылы Баку, Махачкала, Амирабад, Анзали сияқты серіктес порттармен тығыз байланыс орнатылған. Бұл қазақстандық жүк жөнел тушілер мен тасымалдаушыларды қолдауда аса маңызды. Порт автомобильдер мен теміржол паромдарын жыл бойы қабылдай алады, бір мезгілде 4 паромға қызмет көрсетеді. Теміржол айлағының өткізу қабілеті жылы на 4,1 млн тоннаны құрайды. Паромдарға 54 вагон сыяды. Құрық порты арқылы мұнай және химиялық өнімдер, металл, халық тұтынатын тауарлар, т.б. ауыстырып тиеледі.