ҚТЖ желісі бойынша сегіз айда 169 млн тоннадан астам жүк тасымалданды

2022 жылдың қаңтар-тамыз айларында «ҚТЖ» ҰК» АҚ желісінде тиеу 169 млн тоннадан асса, бұл 2021 жылдың сәйкес кезеңімен салыстырғанда 0,5%-ке артық. Республикаішілік тасымалдар 3%-ке өсіп, 112,6 млн тоннаға дейін ұлғайды. Экспортқа 56,6 млн тонна жүк жөнелтілді, деп хабарлайды Rail-news.kz.

8 айда 70,7 млн тонна тас көмір тасымалданса, бұл өткен жылдың деңгейінен 4,5%-ке жоғары. Оның ішінде ел бойынша – 48,5 млн тонна, бұл өткен жылдың сәйкес кезеңінен 2%-ке жоғары. Қатты отын экспорты 10%-ке, яғни 22 млн тоннаға дейін өсті.

Астық тасымалдау көлемі 5,3 млн тонна деңгейінде, оның ішінде экспортқа 4 млн тоннасы жөнелтілді.

Өткен жылдың ұқсас кезеңімен салыстырғанда биылғы 8 айдың қорытындысы бойынша химиялық тыңайтқыштарды тиеу 5,2%-ке (2,7 млн.тонна), мұнай жүктерін – 4,7%-ке (12 млн тоннаға дейін), құрылыс жүктерін тиеу 3,6%-ке (10,6 млн тоннаға дейін) өсімді көрсетті.

Темір және марганец кендерін тиеу 13,6 млн тоннаны, түсті кенді тиеу-15 млн тоннаны құрады.

2022 жылғы тамызда 21,7 млн тоннадан астам жүк тиелсе, бұл өткен жылдың сәйкес кезеңімен салыстырғанда 3%-ке артық.