Солтүстік өңірге көмір жеткізу 10%-ға өсті

Жылыту маусымына дайындықтың үш айында (а. ж. маусым – тамыз) Ақмола және Солтүстік Қазақстан облыстарының тұрғындары үшін 2,7 мың вагон немесе 184 мың тоннадан астам тас көмір жеткізілді. Бұл көрсеткіш өткен жылдың сәйкес кезеңімен салыстырғанда 10%-ке өсті, деп хабарлайды Rail-news.kz.

Оның ішінде Ақмола облысы үшін шамамен 1,5 мың вагон немесе 103 мың тоннадан астам қатты отын жеткізілді, бұл өткен жылмен салыстырғанда 8,6%-ке жоғары. Солтүстік Қазақстан облысының тұтынушылары үшін көмір жеткізу 10,9%-ға, яғни 1,2 мың вагонға дейін немесе 80 мың тоннадан асқан.  

Өңірде шұбаркөл көміріне жоғары сұраныс байқалып отыр. Ақмола және Солтүстік Қазақстан облыстары ТКШ басқармаларының үйлесімді жұмысы арқасында және ИИДМ-нің көмегімен осы жылдың қыркүйек айында Шұбаркөл және Қара Жыра разрездерінен көмір тиеу артты. Қазіргі уақытта тұйықтарда көмірдің жеткілікті мөлшері бар, дүрбелең мен ұзын-сонар кезектер жоқ.