«Abu Dhabi Ports Group» компаниясының өкілдері Құрық портында болды
![](https://rail-news.kz/uploads/2022/10/17/yJFogICawwIPblYNfk8nuQuAAbQ8pX99Ww08BlwU.jpg)
Әлемдегі жетекші сауда, логистика және көлік операторы «Abu Dhabi Ports Group» компаниясының өкілдері Қазақстандағы іскерлік сапары аясында Құрық порты паром кешенінде болды, деп хабарлайды Rail-news.kz Құрық портының баспасөз қызметіне сілтеме жасап.
Шетелдік делегация порттың өндірістік нысандарымен және қызметімен танысты.
Сондай-ақ олар паром кешенінің бірқатар нысандарын аралап, порт әкімшілігімен кездесу өткізді, онда порт өкілдері делегацияға жұмыс нәтижелері мен өндірістік көрсеткіштерді таныстырды.
![](https://rail-news.kz/uploads/attachments/photo1665994474-2-634d1071cf352.jpg)
Жалпы бағдарлама Ақтау, Құрық және «Ақтау теңіз порты» АЭА терминалдық нысандарын аралауды, сондай-ақ Астанада Қазақстан Республикасы Инвестициялар және даму министрлігінің, ҚТЖ және ҚМГ басшылығымен кездесулерді қамтыды.
AD Ports Group – бұл халықаралық сауданың өсуіне ықпал ететін порттардың, экономикалық аймақтардың, теңіз, логистика және цифрлық бизнестің интеграцияланған инвестициялық портфелі.