Алғаш рет қытайлық көліктерді тиеген жүк пойызы Қазақстанға бет алды
Шыңжаң өлкесі «Қорғас» арқылы алғаш рет жергілікті коммерциялық көліктерге арналған халықаралық жүк пойызын іске қосты, деп хабарлайды Rail-news.kz ҚазАқпаратқа сілтеме жасап.
Отандық жаңа энергия көліктері тиелген халықаралық арнайы пойыз «Қорғас»кеден бекетінің теміржол станциясынан жолға шығып, Қазақстандағы Алтынкөл станциясына қарай бет алды, деп жазды Қытайдың «Халық» ақпарат порталы.
Қытайлық басылымның дерегінше, ол соңында теміржолдан тасжолға алмасып, Орталық Азияға, Еуропаға және басқа елдерге жеткізіледі.
Арнайы пойыздың іске қосылуы - «Қорғас» кеденін халықаралық логистикасындағы жаңа серпіліс. Әрі оның ұлттық логистикалық торап пен өңірлік халықаралық логистикалық тарату орталығы болуына берік негіз қалайды.
Айта кетейік, мәліметтерге сәйкес, бұл жолғы арнайы пойызға құны шамамен 13 миллион юань болатын 100 қытайлық көлік тиелген.