ҚХР-дан ОА-ға транзиттік жүк ағындары Алтынкөл станциясына қайта бағытталады
Варшава қаласында (Польша) өткен ТЖЫҰ-ның кезекті кеңесінде Қытай Цзинхэ-Алашанькоу учаскесінде екінші желі құрылысының барысы туралы, ал қазақстандық тарап Достық-Мойынты учаскесінің екінші жолдарының құрылысы туралы хабардар етті.
Кездесуде ТЖЫҰ мүшелері үстіміздегі жылдың 1 сәуірінен бастап Алтынкөл - Қорғас пункті арқылы баламалы маршрут болған кезде Қытайдан Орталық Азия елдеріне (ОА) және Достық-Алашанькоу арқылы кері жүк транзитінің қозғалысын уақытша тоқтата тұруға келісті.
Алтынкөл-Қорғас өткелі арқылы ҚХР-дан ОА-ға жүк тасымалдау Достық-Алашанькоу түйіскен жеріне қарағанда 500 км-ге қысқа және 10-15% арзан. Бүгінгі таңда Достық-Алашанькоу түйіскен жері бойынша тасымалдау үлесі ОА-ның жалпы көлемінде 20% аспайды.
Алтынкөл мен Қорғас станцияларының заманауи инфрақұрылымы және жүктерді қабылдау мен беру үшін терминалдық мүмкіндіктері бар.
Анықтама үшін: ТЖЫҰ (Теміржол ынтымақтастығы ұйымы) Еуропа мен Азиядағы жетекші теміржол ұйымының рөлін атқарады және 30 елді біріктіреді. ТЖЫҰ-ның штаб-пәтері Варшавада (Польша) орналасқан.