Семей станциясына қарасты көмір тұйығында жылдағыдай қарбалас жоқ

Жүк тасымалы
07.09.2023, 10:27
Суретті түсірген автор
Қуаныш Қожаев

Абай облысы бойынша меншікті тілші

Семейлік теміржолшылар жүк тасымалының жаңа кезеңіне аяқ басты. Қыркүйек айының басталуымен бірге көмір тасымалы күрт қарқын алып, жүк тиеу, түсіру жұмыстарымен қатар вагон айналымын реттеу сынды жауапты шаралар күн тақырыбына шықты.  

Бұл реттегі нөмірі бірінші мәселе – вагон айналымын жақсартып, шағын паркпен көп мөлшердегі жүк тасымалдау. Осы орайда бөлімшеге қарасты барлық тораптық жүк станциялары өткен айдан бастап жаңа тәртіпке бейімделе бастаған. Соның аясында бөлімшенің логистика саласының мамандары көмірге тапсырыс беруші клиенттермен жұмыс жүргізіп, болуы ықтимал проблемалардың алдын алуда.  

Мәселен, көмір тасымалындағы басты келеңсіздік – вагондардың тұйықтарда ұзақ уақытқа бөгелуі. Бұл клиенттер үшін әр минутқа салынған айыппұл қаржылай шығын әкелсе, сала мамандары үшін станция басында вагондардың жиналып қалуы өндіріс барысында өте күрделі жағдай қалыптастырады. Ал тәжірибе көрсеткендей, көмір тұйықтарындағы вагонның бөгелуі көп жағдайда сапасыз отынға байланысты екен. Күлдей ұсақ көмір мен табиғи тас аралас көмір көп жағдайда түсіру барысын бөгейді. Ендігі аралықта мұндай жағдайда клиент көмір өндірушілерге емес, бірден теміржолшыларға хабар беріп, қатты отын тиеуді бірден тоқтата алады. Бұл өз кезегінде күрделі мәселелердің алдын алады.

Осы мақсатта қазіргі таңда бөлімше бойынша арнайы қауырт желі жұмыс істеуде. Әріптестік қарым-қатынас орнатқан мекемелер мен ұйымдар тәулік бойы үзіліссіз жұмыс істейтін Колл-Орталыққа хабарласа алады. Мұның сыртында барлық клиенттер бөлімше басшысының WatsApp нөміріне ұсыныс немесе арыз-шағым жазып, тіпті дәлел ретінде фото-бейне жазбалар да жолдай алады. Соның аясында жүк жеткізу мәселесінде логистика саласы мамандары тарапынан нақты іс-шаралар дер кезінде қабылданатын болады.  

Аталмыш шаралардың барлығы қазірдің өзінде жемісін беруде. Мәселен, Семей станциясына қарасты «72 квартал» көмір тұйығында жылдағыдай қарбалас жоқ. Жауапкершілігі шектеулі серіктестік теміржолшылармен тығыз байланыс орнатқан. Нәтижесінде жеткізіліп жатқан көмір де сапалы, вагондар да жылдам босатылып жөнелтіледі. Сатып алушы қарапайым халық та разы. Келісімді жұмыстардың нәтижесінде бұрынғыдай ұзын-сонар кезек те, жүйкесі сыр берген жүк көлігінің жүргізушілері арасында жаға жыртысу да жоқ.  

Сонымен қатар, тұрғындар телефон арқылы тапсырыс беріп, ең ұзағанда бір аптадан соң үйлеріне қыстық отын түсіре алады. Ал өткен жылдары ең кемі екі ай тосу керек болатын. Айта кетерлігі, мұндай теміржол тұйықтарында үйге дейін жеткізіп беру шығынын қоса алғанда ең арзан бағадағы, яғни тоннасы небары 14 000 теңгені құрайтын көмір саудаланады. Сол себепті жеке сектор тұрғындары тарапынан сұраныс әрдайым өте жоғары.      

Логистика және жүк тасымалы бөлімі мамандарының айтуынша, қазіргі таңда қатты отын тасымалы тәулік санап артып келеді. Тек өткен аптаның ішінде жалпы көлемі 151 742 тоннаның көмірі тасымалданыпты. Бұл көрсеткіш, сөз жоқ, әлі де еселеп өсетіні анық. Оған барлық жағдай жасалған. Атқарылып жатқан жұмыс барысы бөлімше басшысының назарында тұр.

 

Жаңалықтар
02.07.2024
Қазақстан-Қытай Іскерлік кеңесі аясында бірқатар стратегиялық құжатқа қол қойылды
Жаңалықтар
02.07.2024
Марат Қарабаев елордада ҚХР Көлік министрімен кездесті
Жүк тасымалы
02.07.2024
Қазақстан-Қытай теміржолы дамып келеді
Жаңалықтар
02.07.2024
ҚТЖ мен CRRC келісімі шеңберінде алғашқы маневрлік локомотивтер Алтынкөл станциясына толық жеткізілді
Спорт
02.07.2024
Маңғыстаулық теміржолшы ММА-дан Азия чемпионы атанды
Инфрақұрылым
02.07.2024
Семейде инфрақұрылым жаңаруда
Жаңалықтар
02.07.2024
Әлемде теміржол көлігі анағұрлым экологиялық таза көлік түрі
Жолаушылар тасымалы
02.07.2024
Қазақстанда инва-купелердің саны артып келеді
Әлеумет
02.07.2024
Жемқорлықты жою жолдары талқыланды
Жаңалықтар / Мұрағат
02.07.2024
«Қазақстан теміржолшысы» газеті, №55 02 шілде 2024 жыл
Темір жол тарихы
01.07.2024
Жамбыл локомотив пайдалану депосы ғасырлық мерейтойын атап өтеді
Жаңалықтар
01.07.2024
Астана вокзалдары күшейтілген жұмыс режиміне көшті
Аймақтар
01.07.2024
Жолшыларға жайлы ғимарат берілді (Фото)
Станция тынысы
01.07.2024
Түркістанның гүлденуіне теміржолшылар үлкен үлес қосып отыр
Жаңалықтар
01.07.2024
Теміржолшы ғимаратты өрттен сақтап қалды
Спорт
01.07.2024
Қазақстан темір жолының 120 жылдығына орай турнир өтті
Спорт
01.07.2024
Шымкентте шахматтан турнир өтті
Жаңалықтар
01.07.2024
Жол бойындағы шөптер шабылып жатыр
Жаңалықтар
28.06.2024
Өзбекстанда қалыпты ыстыққа байланысты пойыздардың жылдамдығы төмендейді
Жаңалықтар
28.06.2024
ҚТЖ алаяқтық фактілері туралы ескертті