Қыркүйекте темір жол желісімен 1,1 млн тонна астық тасымалданады

«ҚТЖ» ұлттық компаниясы тасымалды жоспарлау кезінде уәкілетті мемлекеттік органның бұйрығымен бекітілген жоспарлау қағидаларын басшылыққа алады. Жүк тасымалдау негізгі жоспар бойынша жүзеге асырылады. Ол он бес күн бұрын жүк жөнелтушілер тарапынан келіп түскен жүк тасымалына қатысты өнімдер негізінде құрылып, орындалады.

Ал ҚТЖ желісі мен көрші елдердің инфрақұрылымдық мүмкіндіктері болған кезде қосымша жоспар беріледі. Бұл туралы «ҚТЖ-Жүк тасымалы» ЖШС Бас директоры Владимир Петров төрағалық еткен онлайн режимде болған астық тасушылармен, салалық қауымдастықтармен кеңесте айтылды.  

Биыл қыркүйек айында магистральдық желінің инфрақұрылымдық мүмкіндіктерін ескере отырып, негізгі және қосымша жоспарлармен 1,1 млн тонна астық тасымалдауға қабылданды. Орындау 37% құрады. 370 мың тонна ұнтақ өнімдерін тасымалдау жоспарланған. Орындау 45% құрады. Қазан айында астық тасымалдаудың негізгі жоспары 1,3 млн тонна, ұн шамамен 400 мың тонна көлемінде келісіліп отыр, мүмкіндіктер пайда болған кезде қосымша жоспар жасалатын болады. Жыл соңына дейін ай сайын 1 млн тонна астық тасымалдауға әзірлік бар, жыл қорытындысы бойынша болжам – 12 млн тонна, оның ішінде экспортқа – 10 млн тонна. Өзбекстан бағытында экспорт 5 млн тонна, ал ҚХР-ға 1,5 млн тоннадан асады.  

Осы ретте ҚХР-ға астық тасымалы 4 есеге артып, 1,1 млн тоннаға жеткенін атар едік. Қытай тәулік сайын астық таситын көліктерде бір құрамды, жабық вагондарда бір құрамды және контейнерлерде бір құрамды қабылдайды.  

Кеңес барысында осы жылдың сегіз айында кірме жолдарда контейнерлермен тиеу және түсіру жұмыстары кезінде 2,4 мыңнан астам фитингілік платформалардың зақымдануы анықталғаны атап өтілді. Осыған байланысты тасымалдау қауіпсіздігін қамтамасыз ету үшін ағымдағы жылдың 1 қазанынан бастап контейнерлерді тиеу және түсіру, техникалық және технологиялық жағдайлары мен жабдықтары бар станциялардың кірме жолдарында жүзеге асырылатын болады.