Достастық вагон шаруашылығы өкілдері өзекті мәселелерді талқылайды
Астана қаласында Достастыққа қатысушы мемлекеттер теміржол көлігі жөніндегі кеңесі Вагон шаруашылығы комиссиясының 77-ші отырысы басталды.
Іс-шараға Әзірбайжан, Беларусь, Қырғызстан, Ресей, Тәжікстан, Өзбекстан, Грузия, Эстония, Латвия теміржол әкімшіліктері вагон шаруашылығы комиссиясының мүшелері, ТМД темір жол көлігі кеңесі дирекциясының өкілдері, ғылыми-зерттеу ұйымдары, вагон жасау және вагон жөндеу кәсіпорындары, жылжымалы құрам иелері және теміржол көлігі операторлары қатысуда.
Комиссия отырысында үш күн ішінде Достастық темір жолдарында жүк вагондарын пайдалану мәселелері талқыланатын болады. Күн тәртібіне 53 мәселе шығарылды. Негізгі бөлімі жаңартылған вагондардың пайдалы қызмет мерзімін ұзарта отырып, күрделі жөндеуге және жаңа жүк вагондарына техникалық шарттардың өзгеруіне қатысты. Отырысқа қатысушылар халықаралық қатынаста жүк вагондарын пайдалануды регламенттейтін бірыңғай техникалық құжаттамаға өзгерістер енгізеді.
Сондай-ақ кездесуде Достастық темір жолдары әкімшіліктерін халықаралық жүк тасымалдарын ұйымдастыру және жүк вагондары паркін бірлесіп пайдалану бойынша үйлестірудің жалпы мәселелері қаралады.
2024 жылғы 1 қаңтардағы жағдай бойынша Достастық елдері жүк вагондарының жалпы паркі 1,7 млн – нан астам бірлікті құрайды, оның ішінде Ресей иелігінде 1,3 млн. астам вагон болса, 130 мыңнан астамы Қазақстандікі, 45 мыңнан астамы Беларусь және басқа елдерге тиесілі.