Араб әмірліктеріне астық экспортталды

Жүк тасымалы
27.05.2025, 08:36
Суретті түсірген автор
Шахида Жұман

Маңғыстау облысы бойынша меншікті тілші

Алғаш рет Маңғыстау теміржолы арқылы Түркіменстанмен шекаралас Болашақ станциясынан Біріккен Араб Әмірліктеріне қазақстандық астық экспортталды.

Еуразия құрлығы мен Таяу Шығыс арасындағы логистикалық қарым-қатынасты дамытудың кезекті кезеңі ретінде жолға қойылған бұл бағдардың алғашқы легімен Болашаққа 34 вагон бидай келген. Станция басшылығының айтуынша, жүк тиелген вагондар түбектің шекарадағы станциясына 17 мамыр күні түскі уақытта жеткен. Станцияда бірнеше сағаттық тиісті жұмыстар атқарылғаннан кейін көп ұзамай, сол күні сағат 19:50 уақытында Түрікменстанға қарай тапсырылған.  

«Қостанай облысынан тиеліп, Біріккен Араб Әмірліктеріне қарай жолға шыққан бұл пойыздың құрамында отыздан астам вагон, екі мың тоннаға жуық бидай болды. Қазақстандық бидай партиясы Джебель-Али портына бағытталып отыр. Бұл бағдардағы жүк еліміздің сыртқы сауда айналымын жақсартып қана қоймай, біздің теміржолдың көкжиегін кеңейтіп, жаңа мүмкіндіктер ашқалы отыр. Алдағы уақытта осы бағытта тағы да жүк ағыны болса, оған тек қуанамыз. Күтіп алып, діттеген жеріне кешіктірмей жөнелтуге дайынбыз. Бұл жүк негізі 12 мамырда шыққан болатын, араға бес күн салып Болашаққа келіп жетті және сол күні Түрікменстанның Серхетяка станциясына жөнелтілді. Одан әрі қарай Иранның Акяйла станциясына барады, Бендер-Аббас портында ауыстырылып тиеліп, теңіз жолымен кетеді, – дейді Маңғыстау жүк тасымалы бөлімшесінің логистика бөлімі басшысы Айбек Өтеков.  

Осы бағдар арқылы астық экспорты жалғасар болса, түбектің көрсеткіштері бұдан да арта түсері сөзсіз. Биылғы жыл басынан бергі қол жеткізген жетістіктер – соның дәлелі. Мәселен, осы жылғы төрт айдағы көрсеткіштерге тоқталсақ, бөлімшедегі жалпы жүк айналымы 113 пайызға орындалған. Ол өткен жылғы есепті мерзіммен салыстырғанда әлдеқайда жоғары. Соның ішінде жүк тиеу 109 пайызды көрсетіп отыр. Жоспар 677 мың тонна болса, іс жүзінде межеден біраз артып, түбек теміржолынан 772,8 мың тонна жүк тиелген. Орташа тәуліктік жоспардағы 307 вагоннан жүк түсірудің орнына бұл көрсеткіш 316 вагонды құраған. Құрылыс жүктерін тиеу де артығымен орындалып, 119,6 пайыздан асып жығылған.  

 

Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті
Жолаушылар тасымалы
26.08.2025
«Keruen Express» турпойызымен 130-дан астам жолаушы сапарға аттанды