Жер мен көктің арасында...

Жаңалықтар
24.01.2017, 13:07
Шымкент электрмен жабдықтау дистанциясына қарасты Түркістан аудандық электр желісі  112 км диспетчерлік орталықтандырылған желі мен 100 км абонент желілеріне қызмет көрсетеді. Мекемедегі 17 маман Түркістандағы барлық темір жол мекемесі мен жол жиегіндегі  400-ге жуық абонентті, телім бойындағы 9 станция мен сонда тұратын мыңға жуық тұрғынды тәулік бойы электр тоғымен қамтамасыз етеді. Оған бағдаршамға баратын белгі нүктелері мен ПОНАБ, орталықтандырылған электр қосындарын қосыңыз. Түркістаннан бастап, Шойтөбе, Күншағыр, Ақшоқат пен Отырабаттың ортасында Ұзынқұдық разъезі  мен Темір, 37 разъезд, Қарақоңыр, Қостүйін бекеттері де кіреді. Ақдала мен Қостүйіннің ортасындағы Арыс өзенінің үстінен жүргізілген көпір мемлекеттік маңызы бар нысан саналатындықтан, түркістандықтар бақылайтын соңғы нүкте осы тұс. 7-8 электр механиктері мен монтерлері үнемі телім бойында жүреді. Негізгі ток беретін екі желінің бірінде жарық өшетін болса, қордағы тоқ екінші желіге 1,03 секундта қосылып, лезде бірінен-біріне өтуі керек. Сол кезде бағдаршам да, барлығы жұмыс атқара береді.   Халыққа жарық тарататын трансформаторлар үлкен станцияларда 3, шағын бекеттерде біреуден орналастырылған. Одан бөлек, әр бағдаршамның тұсындағы бағанада екеуден 130 кіші бір фазалық трансформатор қойылған. Бірі өшкенде, екіншісі іске қосылмақ. Егер, істен шықса бригада мүшелері реттеп тұрады. Телім бойынша бір «УАЗ» автокөлігі, Т-40 тракторы, АРВ-276  автомотодрезинасы бар.  Сосын тәуліктің кез келген уақытында электр мамандары жұмысқа шыға береді. Өткен жылы  жер астындағы кабельдік желі шіріген соң, оны жаңалау үшін 200 метрдегі 4 бағанаға 3 сым тартылып, 800 метр жердегі әуе желілері жаңарған. Кейбір тұстарда кеңес кезіндегі прожекторлар әлі «қызмет етеді». Шағын  станцияларда екі электр шамының сәулесімен жарық болса, үлкендерінде одан да көп. Себебі, вагонның алдыңғы дөңгелегін тексергенде жол бойы анық көріну керек –Біздің жұмыста асығыстық пен шалалық деген мүлдем болмауы керек. Қауіпті электр қуатымен жалғанған желілер күтімін жасаған мамандарымыз жерде де, көкте де жұмыс жасайды. Сондықтан, екі шоқып, бір қарайтын сауысқанның сақтығы керек.  Айына бір рет еңбек қорғау күніне ұжым мүшелері түгел қатысып, сабақпен қатар жазатайым оқиғалар талданып, жеделхаттар таныстырылып, жалпы біздің салаға қатысты жаңалықтар да осы күні кеңінен сөз болады. Одан соң, оқу- жаттығу полигонына барып, жаттығу жасаймыз,- дейді телім бастығы Самат Нұрғалиұлы.   Станциялардағы халыққа электр энергиясын тарататын 100 км желінің ағаш бағаналары 1964 жылғы салынған. Елу жылдан асса да ескіргендері жаңаланып, бірқатары әлі жарамды сапта.  Диспетчерлік орталықтандырылған желідегі бетон бағаналардың негізі 1985 жылы қаланған. Күтімі жақсы болғандықтан  сыр бере қоймаған. Күншағыр – Отырабаттың ортасын көктемде су басып, күзге дейін жатады. Түркістан – Шәуілдір автожолын су басып қалады. Бірақ рельс биікте орналасқандықтан, су теміржолдың екі жағасын алып тұрады. Мұндағы қауіп – судың кабельдерге кетіп қалуы. Электр мамандары «үйрек ұшып, қаз қонып» жатқан шағын көлшікте қайықпен жүріп, әр бағананы тексереді. Ал олардың түбіне судың қаншалықты кеткенін анықтау да оңай емес.      Түркістанда ғана емес, жалпы аймақта техникалардың дені ескірген. Сондықтан кейде бардан жоқ жасап, ескіні жамап-жасқап іске асырып отырған  электр мамандары «кәрілік жетіп, қуаты кеткен» техникалар сыр бермесе,  таңның атысы мен күннің батысы жер мен көктің арасында жүріп қауіпсіздікке сын келтірмейтіндеріне кепілдік береді.     

Динара БАЛҚЫБЕКОВА, Шымкент 

Жаңалықтар
22.07.2024
Қазақстан, Түрікменстан және Ауғанстан жаңа теміржол магистралінің құрылысын талқылады
Инфрақұрылым
22.07.2024
Күрделі жөндеу жұмыстары кезең-кезеңімен жүзеге асырылуда
Әлеумет
22.07.2024
Теміржолшылардың балалары лагерге аттанды
Спорт
22.07.2024
Қазақстан темір жолының 120 жылдығына орай Таразда спартакиада өтті
Жаңалықтар
22.07.2024
Ауғанстан, Түрікменстан және Өзбекстан делегациясы Бейнеу астық терминалының мүмкіндігімен танысты
Жолаушылар тасымалы
22.07.2024
Қаныш Сәтбаевтың 125 жылдығына арнайы безендірілген пойыз жолға шықты
Темір жол тарихы
21.07.2024
«Алатау» жүрдек пойызы қалай пайда болды?
Жаңалықтар
19.07.2024
Жаңа – Есіл локомотив депосының паркі жаңартылды
Жаңалықтар
19.07.2024
Мемлекеттік тілді дамыту бойынша өткен байқаудың жеңімпаздары анықталды
Станция тынысы
19.07.2024
Шағыр станциясында жүк тиеп жөнелту артып келеді
Аймақтар
19.07.2024
«Жасыл істер марафонында» Жамбыл бөлімшесі бірінші орынды жеңіп алды
Жүк тасымалы
19.07.2024
Биыл Қытайға 2 млн тоннадан астам астық экспортталмақ
Сұхбат
19.07.2024
Барлық сын-тегеурінге төтеп бердік
Инфрақұрылым
19.07.2024
11 мың шақырым теміржол жөндеуден өтеді
Жаңалықтар / Мұрағат
19.07.2024
«Қазақстан теміржолшысы» газеті, №59 19 шілде 2024 жыл
Қауіпсіздік
18.07.2024
Темір жолдағы химиялық апаттарды жою бойынша оқу-жаттығу өтті
Әлеумет
18.07.2024
50 бала лагерьге аттанды
Қауіпсіздік
18.07.2024
Жанып келе жатқан жолаушылар пойызы сөндірілді
ҚТЖ келбеті
18.07.2024
Велосаяхатшы сапарға шықты
Жүк тасымалы
18.07.2024
Қазақстанда теміржол көлігімен тасымалданатын шикізаттық емес экспорт көлемі артты