Құрық порты арқылы шамамен 1,5 млн тонна жүк ауыстырып тиелді

2023 жылдың 8 айында Құрық теңіз порты арқылы шамамен 1,5 млн тонна жүк ауыстырып тиелсе, бұл өткен жылғы көрсеткіштен 15% жоғары.

Оның ішінде 1 млн тоннадан астамы темір жол көлігімен, 430 мыңнан астамы автокөлікпен жеткізілді. Порт 480 паромды, 13,8 мыңнан астам вагонды, 18 мыңнан астам жүк автокөлігін өңдеді. 

Порт арқылы қазақстандық мұнай мен мұнай өнімдерін, металдарды, тыңайтқыштарды, химиялық өнімдерді ауыстырып тиеу жүргізілуде. Қытайдан, Орталық Азия республикаларынан Әзірбайжан, Грузия, Түркия порттарына және одан әрі Шығыс Еуропа елдеріне және кері қарай келетін жүктердің транзиті өсуде. Қазіргі уақытта портта астық терминалының құрылысы жүргізілуде, ол арқылы жылына миллион тоннаға дейін астық ауыстырып тиелетін болады. 

"Құрық порты" ЖШС жыл бойы автомобиль және теміржол паромдарын қабылдауға қабілетті паром кешені. Қазіргі уақытта оның жобалық қуаты жылына 6 млн тоннаны құрайды. 

Каспий теңізі деңгейінің төмендеуіне байланысты Порт алдында Құрықтың тиімді жұмысын жалғастыру үшін порт акваториясының түбін тереңдету міндеті тұр, бұл жүктерді ауыстырып тиеу көлемін ұлғайтуға мүмкіндік береді. Жобалық мүмкіндікке сәйкес акваторияның түбін Балтық белгісінен -36,5 деңгейіне дейін тереңдету жоспарлануда. Сондай-ақ, порттың жоспарында жаңа маршруттар ашу, экспорттық әлеуетті арттыру және республиканың көлік қауіпсіздігін арттыру үшін қазақстандық паромдар салу және сатып алу да бар.